البخاري والشايب..اقصوصة

محمد اسماعيل السراي

الحوار المتمدن-العدد: 7196 - 2022 / 3 / 20 - 15:42
المحور: الادب والفن
    

يكولون بعد ٢٥٠ سنه، يعني قرنين ونص، من هجرة النبي عليه الصلاة والسلام ..اجه من بخارى رجل اسمه محمد يلقب بالبخاري، يشتغل في جمع الاحاديث_بعضهم يكول جان اعمى ومايعرف عربي اصلا، بعد صدك او جذب الله اعلم-
هذا البخاري كان يفتر بالمدن العربية والاسلامية يجمع احاديث من الحفاظ وجانو الناس يدلونه على كبار السن(الشياب) باعتبارهم اكثر حفظا بحكم السن والحكمه والسماع عن آباؤهم، شلون هسه الناس تستشير الشياب الكبار حول امور وتاريخ العشائر. فجان يجي البخاري لشايب من ذول الشياب يسمع منه اللي حافظه
يكله البخاري:
الله يجويك عمي اني اسمي محمد ولقبي البخاري شغلتي اجمع احاديث صحيحة السند وكالو انت خبير وحافظ.
فيجاوب الشايب:
عمي اني دايخ وراسي يوجعني كلشي مااتذكر وروح ابوك.
البخاري يصيح على ابو الكهوة:
نزل لعمك الحجي جاي وكهوة، نزله نركيله.
الشايب:
-هاااا، قصدك احاديث نبويه؟
اي غير تحجي من الاول ، هسه تذكرت.

وهنا يكوم الشايب يألف من كلبه ويحجي بكيفه قصص ماانزل الله بها من سلطان او اصلا هو كلام متادول سمعه من ربعه الشياب بالكهوة سابقا من تاليف الخيال المتهرئ.والبخاري يدون كل ذلك معتبره حقيقة.
وره مايخلص الجاي والكهوة.وتخلص النركيلة.يرجع النسيان يغزو عقل الشايب.
وبعد مايخلص البخاري شغلته يسلم على الحجي الشايب ويترخص منه.
فيرد الشايب:
ولك انت ياهو؟
فيرد البخاري:
يمعود اني البخاري جاي اجمع احاديث النبي
يرد الشايب:
خايب ياااا نبي، ياااا احاديث!!!؟

البخاري:
يمعود احاديث النبي جاي اجمعهن حتى اسوي بيهن كتاب .

الشايب:
شو ده اخذ كتابك ووولي منا
....
محمد السراي

#محمد_اسماعيل_السراي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل