المخرج الهنجاري بيلاتار وشعرنة كل شيء

السعيد عبدالغني
شاعر
(Elsaied Abdelghani)

الحوار المتمدن-العدد: 7154 - 2022 / 2 / 6 - 23:09
المحور: الادب والفن
    

هتكلم بنبذات أو بشكل مش منهجي عن بيلاتار وعو من المخرجين القريبين جدا عندي واللى بشوف أفلامه كتير جدا، أول شكل مباشر لادراك بيلاتار هو البطء، الظلامية، الكادر الضوء بسيط فيه،الحوار اللى مش سائد ود خاص بيه، الكوليكشن ده كله.
مش عارف بشوف إن السينما الذاتية زي سينماه أكتر السينمات تعبير عن الشكل الحقيقي وكل اللى بكتبه حتى لو مقلتش هو بالنسبة ليا، ده لسببين
1.إن إدراك الذات لنفسها أكبر وأعمق من إدراكها للعالم
2.إنه بيكون مفيش أيدلوجية بشكل نفعي كبير
بشوف إن المخرج مبدع للمكان أولا، مبدع في الصورة مش مستخدم وده أنا بشوفه عند ناس قليلة جدا جدا، كأنه بيعمل عملية تحرير فيزيائية للعالم زي المحرر مع الكتاب. والمخرج هو اللى بيعمل ده أولا غير السيناريو والخ .
زيه زي الشعر في تقييمي إنه بينقل مجموعة معلوم عشان يوحي بعالم غوامض وده شيء نادر، خلق من المعلوم موحي بغامض.
مساحة الغامض دي في أحيان كتير عند بيلاتار ملهاش وصف لغوي بواسطة مستويات الصور والأصوات وتجاربنا تجاه المكان والزمان نفسهم، ده بيطرحلي إنه مفيش شيء ذاتي لأنه بيوصل لشريحة عندها التكوين ده أو مشابه ليه، السائد هو بس شريحة أكبر.
أنا بحس أكتر لما بشوف أفلامه والاحساس نقي من أي أيدلوجية وده هو الجوهري عنده. عالم مليان تصورات مرئية والكيانات الافتراضية.
ده اللى خلى بيلاتار بيستعمل الإشارة وده نادر في أي سينما تانية، أنا مش عارف النية اللى عنده للتصوير بلغها فعلا لأن المفعول بيبقى أقل كتير من المخّيّل.
كمان المواد السمعية عنده مهمة جدا وهي مش الموسيقى بالشكل التراك بس بل بأشكال تانية كتير جدا. والمواد السمعية بتتزامن مع الأشكال البصرية ومع المعنى كمان، لغة كاملة مساوية للشكل المجرد للغة.
العلو الإدراكي والتهيئة بتبقى ساحرة، مش اقصد البنية والتصاعد العادي، بل في كل مشهد.
بالاضافة لده عنده كثافة في الأفكار الفلسفية ، التشكيلات العاطفية حساسية للواقع الخارجي الممثل ، مناقشة الاخلاقيات وأنواع البصائر النفسية.
الامر في أحيانا الملل هو إن الشكل المطروح المدرَك دايما هو الشكل السريع، زيه زي الرسم مثلا كان لازم يكون فيه شكل خطوط وألوان..إلخ، عشان يدي دلالة لكن الشكل ده تدمر مثلا في الفن التجريدي، الرائي مهندوش تصور تاني للفن غير الاول فمبيحاولش يفهم حتى.
مبحبش التصانيف وتأييدها أو نبذها لمجرد إنه هي كده، ده بيرجع للحداثة أو ميل ليها. بيلاتار مهتم بالشكل نفسه بالصورة نفسها حتى لو مفرغة. الصورة الساكنة ليست صورة فارغة مثلا من الدلالات، أو تم التصور إنها مش موجودة بالسينما.
عشان كده أنا بحس إن بيلاتار بيأسس ل المكان وفي فن اسمه الفن التركيبي بيعمل ده.
ده مثلا في اللحظات الافتتاحية لـ Sátántangó 1994 لما نشوف الحركات البطيئة للبقر والضوء وظهوره الخافت، المكان اللى حامل الضوء نفسه ببطء.
كل مخرج بينتج العالم تاني، بيكب المسح اللى في ذهنه خياله وشعوره عليه.الشكل ده موجود في الشعر ومنتج بكثرة لكنه غير مدرَك لأن البصري أقوى في الوصول بحكم الطبيعة البيولوجية وان اللغة تالي مش بدء معرفي.
بشوف أفلامه مشاريع شعرية ومعرفية وألوهية. الصورة فيها مش سطح مباشر، الصور قعر، قعر غامض.
بحاول بقدر الإمكان لا أتكلم شعريا عشان كده تجنبت الحديث عن شاعريته بحكم كتابتي. لكنه هو بيشعرن مش اللغة بس لكن الصورة السمعي وزمن الفيلم كمان.

#السعيد_عبدالغني (هاشتاغ)       Elsaied_Abdelghani#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل