استغاثه مواطن مطحون

نورا فريد ميخائيل

الحوار المتمدن-العدد: 6796 - 2021 / 1 / 23 - 01:02
المحور: الادب والفن
    

فواتير ..كهربا ..ميه وإيجارات

١٠٠ إيد ممدوده.. بتقولي هات

عيشه غريبه ..ديون وبكالح

ولسه بفوق ..يقولي تصالح

ياعالم إني مواطن مسكين

قربت أتجن وأشيل سكاكين

شربت نشاره علي إنها شاي

ولحم حمير.. أكلت ياباي

حتي الخمره غشوها يابيه

طب انسي الهم أزاي وبأيه

علي عيني ياسيدي نعمل طرق وكباري

أنا مش طايل مش بدوده أو حتي بساري

كل منايا لقمه وهدمه تداري

مطالبش سياحه أنا أو لعب اتاري

ويقولي يابني أصبر هتنول

دا أنا جالي ضغط وعلقت المحلول

يقولوا أحفادك راح تشكر وتقول

جدنا لو شاف الخير كان جاله ذهول

ياخي وأنا مالي أنا عايز اعيش

عايز اتهني وادفع بقشيش

مطلبتش أطير أو انام ف حرير

ولاحتي أتحول مليونير

دا انا بحلم اعيش عيشه أدميه

.منمش واقوم ف ديون مرزيه

والدنيا كلها تيجي عليا

ناس بتنهب ملايين الدنيا

وناس تطبق قانون ساكسونيا

وغيرهم يقولنا الدنيا دي فانيه

والعدل يابيه زاغ ف الرجلين

وناس طفشت حتي من الدين

واللي م الهم مات وطق

ولا عاد قادر علي قوله لأ

شوفولنا حل يااهل الحق

خلاص حطينا ايدينا ف الشق

امضاء مواطن مسكين

#نورا_فريد_ميخائيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل