نظره حقيقيه عن قديسي الابديه

نورا فريد ميخائيل

الحوار المتمدن-العدد: 6694 - 2020 / 10 / 4 - 19:55
المحور: الادب والفن
    

آه لو ربنا عطانا فرصه نبص ع الابديه
طب بأمانه هنستغرب كتير

هنفوجئ إنها مش زى ماافتكرناها هي
أتاريها مليانه اختلاف كبير

وإن القديس مش بس أنبا انطونيوس
وانبا بولا ومرقس البشير

ممكن نلاقي شخص نكره
غير معروف افتكرناه حقير

ونفوجئ غياب ناس كانت ماليه
الدنيا صلاه والصوت الجهير

ونعرف ان القديس مش هو اللي رجليه حفيت ع الكنيسه
وبره عايش حياته سب ولعن وتكفير

انما القديس هو اللي يهرب م الإدانه
عايش حياه كلها صلاه وحب وأمانه

حاسس بإحتياجات اللي حواليه
يجري يسددها بدون تفكير

ونعرف إن القديس هو الشخص المرن
قلبه منفتح وعقله كله تنوير

فاتح ايديه لكل آخر مختلف
عنه ف الاعتقاد والتفكير

زى المسيح ما قبل الخاطي والزانيه
والعشار والشرير

ونعرف إن القديس هو الراعي المتواضع
قدوه لمخدوميه. وخدام لكل فقير

مش بس كل اللي يعرفه عن الاله
هو الطقس والتبخير

هنشوف شخص كان كل يوم
قدام عنينا يغلط ويخطي

لكن اتاريه بينه وبين ربنا يقوم
يندم ويقاوم ويبكي

ديما يقول لاتشمتي بي ياعدوتي
اللهم ارحمني فأني خاطي شرير

غيروا فكركم مش شرط القديس يكون ف جبل عايش أو دير

ياما قديسين ف العالم مش ظاهرين
كنا نفتكرهم بلا قيمه أو خير

نلاقي منزلتهم ف الابديه عاليه
أمام عرش القدير

نورا فريد

#نورا_فريد_ميخائيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل