حبيتي يامصر

نورا فريد ميخائيل

الحوار المتمدن-العدد: 6306 - 2019 / 7 / 31 - 17:54
المحور: الادب والفن
    

حبيبتي طول عمرك كنتي ست البنات
قيمه وسيما،وهامه عظيمه
اتبدلت أفراحك لسنين دموع وبكا وآهات
وعالم لئيمه،وفقر وغيما

كل اللي إرتبط بيكي،سلب من نهر خيرك
خد من بين ايديكي، راح وإداه لغيرك

محدش ياحبيتي كان قلبه عليكي
محدش جه ف يوم وفكر ايه الل فيكي

كل دا وانتي عزيزه وصامده......
واقفه زى الجبل قويه وجامده.....

مع انه لو وحده غيرك ...
حصل معاها اللي حصل معاكي
كانت خلصت وانتهت م الدنيا يا ملاكي

وكان زمانها متقطعه حتت بسكينه بارده
وإتحولت بين أيديهم لقتيل ،لجثه هامده

إمتي هتبطل تنزف جروحك
ويستأصلوا الورم من جوه روحك

وترجعيلي سليمه وطاهره ياملاكي
دا انا لما بعدت عنك،دا انا لما بعدت عنك
كان يوم دمارى ،كان يوم هلاكي
امتي هقدر اعيش، اعيش تاني معاكي

من غير بكا من غير دموع من غير اهات
وترجعيلي زى ما كنتي طول عمرك ست البنات

كل البنات بقت حلوة ومتزينه
وانتي اللي فيهم عجزتي
وبان عليكي تجاعيد الهم والضنا

وبعد ما كانوا بيخدموا عليكي
وبيوسوا ايديكي وكمان تراب رجليكي
بقوا بيعايروكي باي منحه
او هديه يدوهالك م السنه للسنه ...

صحيح السوس فيكي وصل للعظام
والشباب طار منك بسرعه زى الحمام

بس انا برضه لسه عندى أمل...
ييجي يوم نبتدي فيه العمل ...

يوم يجرى فيه الشباب ١٠٠ خطوة للأمام
علشان يغزلولك بسواعدهم اجمل فستان

وترجعيلي يا حبيبتي يا ست البنات
من غير بكا من غير دموع ،من غير آهات

واحس وأنا وياكي أنى انسان
إنى بشر انى حر ،وعايش فأمان

ويعيش ولادنا من غير خوف .من غير اهانه،من غير ذل
تخضر معاكي الحياه وفرحتنا تبدأ من بعيد تطل

وترجعيلي يا حبيبتي يا ست البنات
من غير بكا ،من غير دموع من غير اهات

#نورا_فريد_ميخائيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل