حوار بين ام وبنتها

نورا فريد ميخائيل

الحوار المتمدن-العدد: 6144 - 2019 / 2 / 13 - 00:14
المحور: الادب والفن
    

يا بنتي اوعي يفوتك الجواز والبيت والجهاز
يا ماما سيبيني ولا أولع ف روحي
بجاز
يا حبيبتي ضل راجل ولاضل حيطه
ياماما الدنيا مبقتش خلطبيطه
يعني اللي اتجوز كان كسب ايه ولا
فاز
كل الحكايه عيال وطبيخ وظيطه
ومسئوليه وأوامر وجنان
طب ونسيتي يا بنتي الحب والحنان
ويقف جنب منك راجل وإنسان
يا ماما دا كله كلام كان زمان
دلوقت الاهم من الحب والحنان
انى احقق ذاتى ومعتمدش على مين كان
طب وبيتك والأولاد والبنات
قبل كل شي ،احقق كل المهمات
حتى لو منى ،الجواز عدى وفات
يابنتي،اعقلي الكلام قبل مايفوت الأوان
ياأمي الزمان غير الزمان والمكان غير المكان
دلوقت البنت زى الولد ماهيش كماله عدد
واحيانا بتكون افضل ،وتكون ليه سند
بذمتك ياأمي ،مش كان نفسك تكملى تعليمك،
وتشتغلي وتاخدى وضعك وتكريمك
ايوة يا حبيبتي بس تقولي ايه
ف العادات والتقاليد زمان
والبنت ملهاش غير بيتها،
وجوزها ليها امان
والولد ف كل شي ماهوش غلطان
اما البنت بس لو خرجت أو دخلت
يقولوا دى عملت ،دي سوت
شفتي ياامي ان الدنيا دلوقت اختلفت
والست أهميتها ف المجتمع ظهرت
ماهيش،مجرد أنثى وشكل
ويقولوا اهي حملت ،اهي ولدت
يا بنتي كلامك تمام بس لسه
المجتمع قدامه خطوات
علشان نحقق الاحلام
وتقضي على كل السلبيات
وتقدرى تحققي طموحك بثبات
انتى وغيرك وكل البنات
علشان كده ياامي لازم نتحرك
مينفعش نقعد فى سكات
لابد العزم والإصرار عشان نغير اللي فات
متخافيش عليا ياأمي
دايما هنجح واكون م الأوائل
وعند اللزوم هتلاقيتي بميت راجل
ودايما رافعه راسك بين الأمم والقبائل
بنتي حبيتي انا فخوره بعقلك
ربنا يحفظك وينولك أملك،ويبعد عنك
كل المشاكل ،واشوفك دايما ف اعلي المنازل
وتبقي حياتك دايما فرح وتفاؤل

#نورا_فريد_ميخائيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل