التعصب

نورا فريد ميخائيل

الحوار المتمدن-العدد: 6114 - 2019 / 1 / 14 - 19:03
المحور: الادب والفن
    

مكرهش ف حياتى قد بنى ادم
متعصب لطايفه أو متطرف ف دين
كل كلامه دبش وصادم
يفضل حياته يجادل سنين
يقلك انا اللى صح ومفيش غيري
يقلك اعدل كلامك وامشي معايا ميرى
ياما يقلب عليك كل الموازين
وتبقي عدوه. لو ممشتش ف ضله. وبقيت زى خله
ومش بعيد تلاقيه مره يطلع لك سكين
يحجر على كلامك ويحور سلامك
ومطلوب من جنابك تقوله اميين
عايز اقوله اهدى شويه احنا بقينا القرن واحد وعشرين
كل واحد حقه يؤمن أو حتي يكفر،يعبد حجر اوحتى بشر
هينفع تسيطر على مين ولا مين
دا احنا ف عالم كله مثقفين على فيس و تويتر
والنت باحثييين
مش زى زمان يسمعوك ويقولوا امين

خدنا ايه من التكفير اللي ملوش اساس
غير القنابل والقتل وضرب الرصاص
واطفال بريئه تموت بدون احساس
طب قولولى دول عملوا ايه يا ناس

قولى ايه شكل الهك دا اللي يحب لون الدماء
ويستلذ دايما بصراخ الأبناء والاباء
واحلى حاجه عنده تقطيع البشر أشلاء أشلاء
انت مضحوك عليك عالج نفسك من الداء
قبل ما ييجي يوم ماينفعك حتي البكاء
دى الصوره واضحه جدا مش محتاجه ذكاء
ليه دايما جايه منك الضربه،خلينا نكون احباء
صلي لاله المحبه،إليه يكون الالتجاء
ليه تعيش ف كربه ويضيع عمرك هباء

---

لمعرفة اخر تطورات فيروس كرونا في بلدك وفي العالم كله انقر على هذا الرابط
https://ahewar.org/Corona.asp

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات