السعاده

نورا فريد ميخائيل

الحوار المتمدن-العدد: 6118 - 2019 / 1 / 18 - 21:11
المحور: الادب والفن
    

حضرات الساده :
يا ترى فين وامتي تكون السعاده
ومعناها يكون ازاى وايه
السعاده انك تضحك واحد مكشر بذياده
مش انك تحوش 100 الف جنيه
عمر السعاده ما كانت حروب وإباده
السعاده حب وسلام يابيه
تلاقيها ف ضحكه طفل برئ
مش ف لسان طويل بذئ
السعاده انك تغطي بردان ليله شتا
مايملكش لبس أو ايوها غطا

تلاقيها لما تزور مريض
فى مستشفى أو عياده
تقعد ف جنبه سعيد
حبه من وقتك ذياده
انك تفتقد انسان عايش وحيد
من غير أب أو أخ أو سنيد
تجيب له هديه أو شئ جديد
اكيد دا كله يفرحه ويعيش سعيد

السعاده انك تقدم حب لكل الناس
لو جربت اكيد تشعر اجمل إحساس
فى ناس شايفه السعاده
ف الفلوس أو الدهب أو الماس
ومركزه فيهم للاسف بكل الحواس

بس رأيى ان السعاده ف البساطه والقناعه
واللي يقدر يجمع ما بينهم،
اكيد تكون احسن براعه
انك تلاقي قلب يحبك
حتي لو فيك ضعف وبشاعه
ويدارى عيوبك ويخبي
وما يعملش منها اذاعه

السعاده احساس جميل
بس المهم نعيشه صح
والوصول إليه له الف دليل
سدقونى منتهاش ولا راح وبح

دوروا ع السعاده الحقيقيه
ف وجوه الناس حواليكوا
دى الحياه ياناس منتهيه
الحقوها قبل ماتضيع من ايديكوا

#نورا_فريد_ميخائيل (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل