حذام الحداد
الحوار المتمدن-العدد: 6767 - 2020 / 12 / 21 - 22:36
المحور:
الادب والفن
مرحبا شلونك يداد
اردْ ابشركْ ارد اگلكْ
چنت أحلم بالرئاسة
والله نوّلني المراد
ألوو عماد
ألوو عماد
اردْ ابشركْ ارد اگلكْ
أشحلو كرسِيْ الرئاسه
رگص ، مزمار ووناسه
وصحبة وي أهل القداسه
وسفر كل يوم لبِـلاد
ألوو عماد
ألوو عماد
اردْ ابشركْ ارد اگلكْ
معظم الساحات فضّت
وداعتك ولاخيمه ضلّت
وبالكواتم كلهه فلّت
يعني أرهبنه العباد
الوو عماد
ألوو عماد
أردْ ابشركْ أرد أگلك
شعبي جلّه بعده نايم
شعبي عايش عالظلايم
بكل زمن يعبد الحاكم
وبعد ميْهمّه أضطهاد
ألوو عماد
ألوو عماد
أردْ أبشرك أرد اگلك
أحنه فَلّسنَهْ الخزينه
لادخَل باقي بأيدينه
والبلد أصبح رهينه
بيد حيتان الفساد
ألوو عماد
ألوو عماد
اردْ ابشركْ ارد اگلكْ
بعد ماعدنه رواتب
الاّ لأصحاب المناصب
ولازم أنْفعل التجارب
حته نحمي الأقتصاد
#حذام_الحداد (هاشتاغ)
كيف تدعم-ين الحوار المتمدن واليسار والعلمانية
على الانترنت؟