قصيدة/طبع اليحن /شعر شعبي

محمد الهاشم

الحوار المتمدن-العدد: 6604 - 2020 / 6 / 28 - 01:15
المحور: الادب والفن
    

***طبع اليحن ***
فدوة رحت لعيونك
السودة وتجن #
مثل الزرازير اعله شجرة
وما تعن #
حظنك دفو وما اجمله
وبيه استچن #
غيم ومطر حر وبرد
وما بيه سعد ما چنت اظن #
وحدك چنت تطرب الي
وتعزفلي عل عود وتون#
وتخربش اذني احچايتك
يل ما غمض بعدك جفن #
وتشبكني واشتم ريحتك
واسمع نبض گلبك يدن#
وشعرك يسيل اعله الچتف
وگلبك على گلبي يحن #
طبعك حلو چنت اعتقد
وما ادري بطبعك دفن #
وطبعي مثل طبع النخل
شايل حلا
ونايم بصبخاية ودمن #
وعودي صلب صعب الكسر
ما ينحي لراي العفن#
جمارة راسي بكل فخر
مو شايل شوية دخن #
ما همته ريح وشمس
ولا حتى عثرات الزمن#
بس انت بيك اتأثرت
واگضيت كل عمري حزن #
وديت الك كل الخلگ
يا عوسجت بر ما تحن#
مشدودة روحي من الزغر
لعيونك ام دورة حسن#
شنهي انت باوصاف الطعم
مگلوبه لو دبس ودهن#
يل چفك بجفي غفه
خل ارضع شفافك وجن #
روحي العليله ماترد
تعاندني وما تستچن #
صبخايه روحي الشوفتك
محرومه من زخ المزن #
تگابلني تلعب بالشعر
وتسحن بگلبي سحن #
خلك ترف وشويه حن
فدوة رحت لعيونك
السودة وتجن
حن فدوه حن #

#محمد_الهاشم (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل