دمْيَاطِي الهْوَى (زجل)

توفيق بوشري
كاتب
(Taoufik Bouchari)

الحوار المتمدن-العدد: 6538 - 2020 / 4 / 15 - 02:19
المحور: الادب والفن
    

اللّي جَادتْ بيه لحظتكْ
ما خطرْش على كتاب "بلاناتي"
..
كنسكتْ وكيتحدّاني الكْلام
تتعالى الحكمة حتى تعْيَا
وتنطق الصمت قْوَافي
تهمس لراسها بين الحْيَا والرزانة:
أهون الاستسلام!
..
ها هي الشوفة فيك
كتهزني حتى للسما رقم خارج نظريات الأعداد
وتلُوحْنِي فسْمَا أخرى ضاربة بقوانين الفيزياء عرض المعجزات
وما كتهمنيش الأرض
حيت اكتشفت الوطن؛
لوحتك
بين الحلم وآخر تفاهات الدنيا..
..
يا ديك المفيقة الروح
من رماد الكَسْدَة
منين نبدا؟
السكات..
الكلام..
شي حاجة ثالثة
خلقها الغرام
من لحظة
وما سماهاش
باش يتقطع بيها الحبل على طول الكون
ما يطفاش جمرها
وتنسى حلاوة القلق المُرّْ..
يبقى العاشق عبد "حُرّ"!
..
كنعاود نسكت
كيقطع الكلام الحس
كيتنهد
بتبسيمة مقطعة، خايفة، هربانة، زربانة...
كيتفركع
بضحكة فجوف القلب
باغية تخرق المكان والزمان
وتبورد بركان
تلفظ حريفات كتكتب راسها
قصيدة
ما كتقراش..
كتعاش..
كتتنفس..
كتباس..
كتضرب بحال الضو
كتخربق "البلان"
باش اللحظة تخرق الكلام..
الأحلام..
تعاود كلشي
فالعجينة
على نية
فاتْحَة المعنى على ضْرِيبْ الخط..

* من ديوان زجلي بعنوان: الحب المرفوع. مطبعة بلال. فاس. 2019

#توفيق_بوشري (هاشتاغ)       Taoufik_Bouchari#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل