حرت يا وطن

عبد صبري ابو ربيع

الحوار المتمدن-العدد: 6379 - 2019 / 10 / 14 - 13:24
المحور: الادب والفن
    

حرت يــا وطن ما بينك وبيني
رصاصاتك عشگن گليبي وعيوني
وانه الجوعان وهمــه يكتلوني
لا سكن لا عمل بيهن يشبعوني
يمته يسمعوني
گالولي نايم عله الذهب
والغيـــر يحسـدوني
تـراهم يملكون الذهب
وانه اسير اليظلموني
والذهب بجيوب اليعذبوني
حرت يا وطن
ما ادري ليش من خيري يحرموني
وانه اللي اشتريت
حريتي بدمي ويطردوني
صار الاجنبي ويـاي
ظلـي ومزود جنوني
صـــار الوطن لعبه للغير
والمشتهي حكمي وآنيني
وينك يا ابن العراق وابن تموز
وابن ثورة العشريني
اريدك تعرف منهو اليحبك
ومنهو اليعاديني
چا نظل على الموت
نبني گبور التضميني
اسمع صرخه الحُرات
عد ما تنتخيني
اظل فجـــر دم للـــوطن
واحمــي ارضـي
يـــــوم المحــــن ِ

#عبد_صبري_ابو_ربيع (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل