الحبيب المسامح

رجب الطيب
(Rajab Ata Altayeb)

الحوار المتمدن-العدد: 6330 - 2019 / 8 / 24 - 02:31
المحور: الادب والفن
    

بغني لك
ولسة الجرح جوايا
ألم مدفون

وبضحك لك
ودمع عنيا
مالي الكون

وأقول معلش
ما كان قصده
يجرّحني ويدبحني
بسكينة ولد مجنون

انا المسكون بالحيرة
انا المحتار بالغيرة
انا بالهم والأحزان
بقيت مسكون

يامين ينصحني
ويقول لي
على السكة
مفيش حر بيتحمل
كلام سكة
مفيش حر بيتحمل
يبات مظلوم

بغني لك
ونار الشوق حارقاني
ومن قهري
ومن غلبي
بقول تاني
اه ياني وأه ياني
انا المغلوب في حبك
انا المحروم

يا ريت تنسي
ولو لحظة
ما كان بيننا
عتاب او لوم

اكيد حد بيكرهني
وقال عني
كلام مذموم
وقال اني نويت اهجر
وقال اني حسيبك يوم

ساعات اصفن
وأكلم روحي تحكي لي
يا واد انس
دة مش مفهوم
اكيد في ظرف
كان طاريء
اكيد حد كان وتوت
حد عزول
دي برضك
يا ابني يا عنيا
بنت ناس وأصول
ولو راحت ولو بعدت
حيبقى حبها بقلبك
مكانه مصون

أقوم الصبح
وادعي لك
ألهي ربنا يصونك
ويحفظ لك محبينك
ي رب الكون

تعالي بقى ننسى
سوا اللي فات
عشان الحب اللي كان
بينا
ما يبقى آهات
تعالي نجدد الفرحة
سوا بجنون

تعالي يا حبي
يا عنيا هنا جنبي
لحضن حنو

#رجب_الطيب (هاشتاغ)       Rajab_Ata_Altayeb#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل