رجب الطيب
(Rajab Ata Altayeb)
الحوار المتمدن-العدد: 6237 - 2019 / 5 / 22 - 16:52
المحور:
الادب والفن
لما كنا صغيرين
في حب مصر
لما كنا زغيرين
من سنين وسنين
كان حلمنا على قدنا
وكان فرحنا
يوم أجازة من شغلنا
وحتى جرح القلب
كان في القلب
ولا عمرنا نفكر
نعادي الغير
وألا نجرح ناس زينا
بتحب كل الخير
لتانيين .
لما كنا زغيرين
من سنين وسنين
كان الغنا
في دمنا
مش رقص
مايع ولا تنطيطة مراهق
ملهوش دين .
كنا نروح معارض
مسارح
ونتابع الأفلام
كنا نشتري الكتب
ما نخلي مناسبة
تضيع مننا
نحط القرش فوق القرش
حتى نحقق حلمنا
مين قدنا
رحنا النهاردة
جنينة الأسماك
شابكين الأيدين .
لما كنا زغيرين
كنا نحلم بالنجاح والحب
عيزين السنين تجري بنا
لحتى نكبر
نشتغل
عشان نساعد اهلنا
دول غلابة وطيبين .
لما كنا زغيرين
فين وفين
عبال ما نلاقي الفلوس
ونوفر قرش على قرش
لحتى نشتري كتاب
ولا نحضر فيلم
انشا الله حتى نمشي
على رجلنا
شمة هوا
من هنا لهناك
ياه ما أطول السكة
بس مش لأتنين
بيحبوا بعض
ماشيين متأنقجين .
كان كل شيء أبيض وطاهر
حتى
كنا نعشق بعضنا
كنا نحلم بالهنا
كنا نجري في الحارات
ما كنتش تفرق
كلنا ولاد بنات
كانت خيوط الحب
تجمعنا سوا
ومن سكات
كنا نفرح بأي حاجة
ونرضى بأي حاجة
لما كنا زغيرين
فاكرين والا مش فاكرين
فاكرين يا نور العين
احنا الأتنين
#رجب_الطيب (هاشتاغ)
Rajab_Ata_Altayeb#
كيف تدعم-ين الحوار المتمدن واليسار والعلمانية
على الانترنت؟