طلق , وخليك إنسان !!

محمود الزهيري

الحوار المتمدن-العدد: 6284 - 2019 / 7 / 8 - 04:43
المحور: الادب والفن
    

إوعاك ترجع من مشوارك للمأذون
إوعاك تخاف من عرض عزالها , والطاسة والطشت كمان
أو تدفع باقي صداقها
أومن نفقة عدة ومتعة
دا انت جوازتك كانت قسط
هو انت اتمتعت في ياصديان
عيشتك هم وفقر وغم وملحك والعيش الحاف
خليك ماشي بخطوة جريئة وأوعاك تخاف
وتقول دا كلام الناس سم
وخليك غلبان أو منضام , أحسن مالناس علي سيرتك , سكاكينها تسن
طلق طلق , وارمي صداك أو غلبك مع أخر حرف في عيلتك , لما توقع للمأذون إسمك
إسمك واقع من يوم ماجابولك نفس الشيخ
واهي أي جوازة كنت فاكرها خفيفة وعلي قدك
و دي رجل وخدلانة لابتشيل ولابتحط
وكنت عايزها خدامة
إخص عليك إخص , ياصديان
أهي طلعت زي بارودة روسي
لما بتضرب طلقة , صوتها بيخلي كل الودان تزن
واتاريك انت اللي طلعت الخدام
طلق طلق , وإياك ترجع في قرارك
إياك تخاف
إرمي همومك ومشاكلك
واديها كل حقوقها ياعدمان , واياك تاكل حق ولية
أو حق الناس الغلبانة العدمانة
أوعاك تعاندها أو تكايدها زي ماكانت بتعاندك أو بتكايدك وكانت فكراك زي حمار في وسية
طلق طلق مايهمكش
وإن كانت يوم احتاجت حاجة إوعاك تنسي الفضل مابينكم , وإياك تنسي الإحسان
إديها ياولدي , واوعاك تخليها رمية
وإياك ترجع من مشوارك للمأزون , وتحن !!
خليك برضك إنسان !!

#محمود_الزهيري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات