شرد اگلّك...!؟

طالب الحليلي

الحوار المتمدن-العدد: 6174 - 2019 / 3 / 16 - 02:54
المحور: الادب والفن
    

ألك وحدك صرت
تالي العمر شاعر
گمت اكتبلك قصايد!!
ولَك حنّيت اويظل طيفك
امگابلني
شادهني كل الوكت
قنديل
اوليلي هندس
لا انا ادري
اولا هوه مني
هم يدري ويكلّي
شنهي رايد ؟؟!!
يوم اللي بيه انا شفتك
نزل وحي العشگ
من چبد السما
اويمكن عشگتك!
گلت اثگل
إصحى يللي عمرك
تعداه العشگ
ما صحيت اوغافلني
ذهولي اوگلت..
صباح الخير
يا بعد خالك اوعمك!
من صحيت .. تتذكر؟
انا گتلك..
اولساع
كل لحظه اچوي بالدلال
كلما يرف امن اشوفك
وارجع وگلك
انته هيجت المواجع
بالحلم وياك
ليليه أصعد السابع سما
نجمه وٓي نجمه
يتشابك ضواهن
كبل ما ينطر الفجر
أرد اگلك انا احبك !
يفضحني طيفك
اوخوفي اعليك
وحجاية محبه اوصدگ
يحجيها شريان الگلب..
صباح الخير اگللك
يا..
بعد
خالك
اوعمك ..

15 اذار 2019

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل