اموادعيك .. (عريان) .. اموادعيك

ميسون نعيم الرومي

الحوار المتمدن-العدد: 6075 - 2018 / 12 / 6 - 23:14
المحور: الادب والفن
    

اموادعيك .. (عريان) .. اموادعيك
ميسون نعيم الرومي
اموادعيك
-(عريان) .. اموادعيك
اموادعيك ..
ياصوت الشعب .. يبن العراق الرحت
وسفه ابعجل .. غفله ارحلت
ما ودعت
ما لحگت
من الشعر برج اوغرگ
طاح اوهوى ..
صرخة حزن .. صاح الوطن
يبچي الوطن ..
يبن الوطن
***
كلهه القوافي اتيتمت
لوزان كلهه اتگطعت
من غادرت
يبن الفرات الرحت
اهوايه عذاب اوشفت
وانت الگلت ..
(ياديرة گمر .. ياللي خذاك البين)
(ياللونك شمس .. ياعودة التين)

يالچان الوطن مظفور وي نبضك
يالحب الشعب متخاوي وي عمرك
اهوايه انت الشفت
ما غادرت
بين السجون اودرت
ما بايعت
ما هادنت
ويه الشمس صوتك عله
كل الشعب غنه الك
لمن گلت...
(احنه خلانه وكتنه)
(اتراب بحلوگ الرحي)
(اشما يطول الجرح بينه)
(ايطيب بس ما ينمحي)
***
يـ (عريان السيد خلف)
ياللي ارحلت
ما ودعت
ما لحگت
وانت الگلت...
(مثل الورد من يذبل بلايه اوداع)
( الماي من ينشف بلايه اوداع)

ضيم الوطن چن تعبك
(بيه اوإلك مية جرح)
گلبك سكت غفله انذبح
حيف ارحلت ... ما لحگت
ياللي رحت ما ودعت
وانت الگلت
لا تهيجين الجروح.....جروحي من تنلجم تدَي......
وانه من دم ولحم......مو من صخر جبدة العندي
وانه خلاني الدهر .....ناعور.....بس
أترس .......وابدّي.....
------------------------------------------
6 /12 / 2018
ســــــــــــــتوكهولم

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل