عيون الشَذر

ميسون نعيم الرومي

الحوار المتمدن-العدد: 6051 - 2018 / 11 / 11 - 23:45
المحور: الادب والفن
    

عـيون الشـَـذر
ميسون نعيم الرومي

بعيونـَـك الحلوه بـَحـَـر – واشـموس وانجوم اوگمر
واشـعار واعتاب اشكثر – مـَـظـفـوره بـسـنـيـن العمر
بطـّـل ولك بـس تجرح
هاك الرمش واتمرجح
رب الخلگ هم يصفح
اشتاگ الك وانت عمر – هـَـلبـَـت يجي طيفك يمر
يعيونك الحلوه بحر
***
اشـفايـفـَـك برحي العـَـسـَـل – واعيون متكحله ابخجل
لا تكتب اسمي إعـْلـَه الرمل – بالماي .. وايضيع الأمل
بدر العشگ شو ما كمل
والورد وابـروحي ذبـل
الدمع ع الخـَـد اوهـِـمـَل
إسأل ابگلبك يا حـلو – حـَـنيت لوناوي الهجـِـر
يعيونك الحلوه بحر
***
خزّامه وابروحي صرت – تيزاب وامرصع شذر
وانه ابهواك انظم شعر – دمي نشف مابي حـِـبـِـر
جـرح الگـَـلب ما يلتم
ينزف يظل ينضح دم
بالگلب ينگـِـد .. يلچم
بالماي ايدك يا ترف – واچفوفي يچويهه الجمر
روح ابطريقك .. لاتمر
راح العمر
----------------------------------------------------
ســــــــتوكهولم
نوفمبر/ 2018

#ميسون_نعيم_الرومي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل