ميلاد ثابت إسكندر
(Melad Thabet Eskander)
الحوار المتمدن-العدد: 6037 - 2018 / 10 / 28 - 15:31
المحور:
الادب والفن
***احضن أحلي الذكريات ***
عـارف الاحـسـاس إياه ؟
لما تكون مش عارف أيه
عـقـلـك طفـل صُـغَـيَّر تاه
وسط الزحمه دموعه في عنيه
مش عارف أيه إللي رماه
ولا أي وشوش من حواليه
غمض عينك من سُكات
واحضن أحلي الذكريات
احضن صورة لذكري جميلة
عيش الماضي ولو لحظــات
أو غني الأغنيــة إياها
إللي كتير كنت تغنيها
ارفع صوتك عيش وياها
إلمس كلماتها ومعانيها
افتح دفتر ذكرياتك
هتلاقي الوردة الدبلانة
افتكر إللي قطفها عشانك؟
هتلاقي مشاعرك دافيانة
اوعي تسيب نفسك لدموعك
راح توصل بيتك يا غريب
مهما بعدت لابد رجوعك
وهترتاح نفسك وتطيب
*******************
ميلاد ثابت إسكندر
فنان تشكيلي
#ميلاد_ثابت_إسكندر (هاشتاغ)
Melad_Thabet_Eskander#
كيف تدعم-ين الحوار المتمدن واليسار والعلمانية
على الانترنت؟