في سوق الليل

أسامة هوادف

الحوار المتمدن-العدد: 5998 - 2018 / 9 / 19 - 14:56
المحور: عالم الرياضة
    

تعتبر هذه الأغنية من بين أكثر الأغاني ترديدا بين الأنصار ، حيث لا يمكن أن تمر مباراة على فريق مولودية الجزائر تغيب فيه كلمات هده الأغنية عن اهازيج الشناوة ، وهذا لما تحمله من معاني تعبر عن الحياة الأجتماعية وسياسية التى يعيش تفاصيلها الموطن الجزائري .
تحتوي هذه الأغنية على العديد من المعاني والدلالات منذو مقاطع الأولي فنجد تبرير الأنصار لتعاطيهم المخذرات وذلك بسبب الوضع المزري (ويقول يا حليل لو كان يصحي هاد الراس راح ندمرو) ويجيبوا على أتهام البعض لهم بتعاطي المخذرات طالبين منهم اللى لألتفات الى طبقات الكادحة حيث هناك من لا يجد لقمة العيش( قولي وعلاش نقولك شوف لتحتا كاين إلى فطر ومتعشاش) ويحملون سلطات الحاكمة السبب في معاناتهم حيث بسبب سرقة لم يتركو شئ الشعب (قولي كيفاش نقولك جايا هكدا ولي حاكمينها قع ما خلاوش) ويستمر انصار العميد في بعث رسائل مشفرة ة التى تحمل معاني عميقة الدلالة بأنهم يعرفون السبب وأسماء الفاسدين (بلا ما نسيتي لي يعرف الغابة راه يعرف الذيب) أي من يعرف الجزائر فهو يعرف اللصوص والفاسدين ، ويعترف لأنصار بتحول نادي مولودية الجزائرالى منفي ووطنا ودولة تقترن به كافة المقومات المعنوية وهذا نتيجة حالة الاغتراب وأختلال العلاقة بين المتمع والدولة( شينوي محروق وعلى العميد واللي بيه ينسي الهموم) ويبرز أنصار العميد تفوقهم على أنصار الأنداية الأخرى لما لهم من اساليب التشجيع حيث يعتبرون من أول من أدخل الحركية الملاعب الجزائرية (كاين لباش العلامات وطنابر والكاشي والبوب والفيميجان ) كما يستهزئ بأنصار قسنطينة الذين يعتبرون ناديهم بأنه هو العميد دون أمتلاك وثيقة تثبت مزاعمهم (حنايا العميد والباقي باينا غير الهدرة في الريح )كما يفتخر أنصار المولودية بالمنعرج الجنوبي وبما يحمله من رسائل سياسية الحكومة حتى أصبح تحت المراقبة ويؤكد لأنصار على معرفتهم الجميع كوليس العبة سياسة (فيراج مسموم تعرفو الحكومة كيما نعرفوها حنايا تان).
لقد أصبحت مدرجات كرة القدم ساحة أجتماعية وسياسية التوجيه الرأي العام وتنديد بالأوضاع القائمة .

كلمات أغنية في سوق الليل

في سوق الليل كاين حنا ولي كيما حنا يدورو
ولي قليل ضامن الكمية لماصة ولمالبورو
يضرب لبنين ولتما رايح يتفكر الدورو
ويقول يا حليل لوكان يصحا
هاد الراس راح ندمرو

قولي وعلااش نقلك شوف
لتحتا كاين لي فطر وماتعشاش
قولي كيفااش نقلك جاية هاكدا
ولي حاكمينها ڨاع ماخلاوش
قولي موقتاااش نقلك هادي مدة
ليسونسيال انايا مانشفاش
ڨاع ماعشناااش حلو باب القنطة
مادام غلقولنا باب التقلاش
لافيريتي في سواڨي ديما نتنخدع ملقريب
بلا مانسيتي لي يعرف
الغابة راو يعرف الذيب
بلكونتيتي رايح نجمع لي يستاهل العيب
فلاسوسيتي الهدرة فلوجه
مايقولهالك غير طبيب
اواه اواااه جامي ننسا الباسي
وعلينا كاش تبدل الحال
مكاش كيفاااه كلش يبقا فراسي
كلش راح يبقا ڨرافي فلبال
لي هواه داااه ديرو دوسي
كلاسي والفرشة تترما فلبوبال
الشاه الشاه فيك يا قلبي باصي
عاود الميزاجور عالي حال

يفرغ السوڨ نلقا روحي داير غير بالهمية
نضرب وندوق ونتفكر انا لي فات عليا
عشنا فالفقر ورانا ڨاع نعرفو الميزيرية
مي ربي لفوق هو لي داري وعالم بلي بيا
حنايا هكدااا وجامي لا
تبدلنا ابار العقلية ديكالات
سوق الخردااا ويروح يبعدنا
رانا راميينو للنفايات
هدا بهداا ولي للعيب يبدا
قولولو نعرفو الروايات
مول العاداا يكملك فلهدة
ونتا فايق وتقول باراكات

🎶🎶🎶🎶🎶🎶🎶🎶🎶🎶🎶🎶🎶🎶🎶
في داك سوڨ مولودية كاينة كانت وراح تكون
شينوي محروق وعلى العميد
ولي بيه ينسا لهموم
قلبي لي يسوڨ وداني ليها وراني بيها مغروم
ولات دروڨ نتنفس فيها وغير هيا مون امور
شوف الفيرااج ورجعلي بلخبر
اوفيسيال راح يحكمك الهبال
كاين لي بااش لعلامات وطنابر
والكاشني والبوب ولفيميجان
والديفولاج وعليها مانصبر
فالدخلة ديما كاين لاشان
كاين لارااج علخضر ولحمر
وليها حنايا نموتو فيدال
لي سوڨ مليح ولفيراج
تاعنا هو لي راح يرميه
لي يكون قبييح جيبوه
لعدنا نعطولو كلام صحيح
حنيا العميد والباقي
باينة غير الهدرة فالريح
ويلا نتو طيرو يمالا
حنايا صايي لحقنا لمريخ
حنايا لي زووم ايا شكون نتوما
نتوما لي معانا يهبط لعلام
فيراج مسموم تعرفو الحكومة
كيما نعرفوها حنايا تان
حاجة مادووم رانا فلعاصمة
والفنا لغبينة للرجال
راني مظلووم والله يالميمة
نحبو مولودية وهدا مكان


شرح المفردات

في سوق الليل/هو دلالة على موعد تعاطي المخذرات بعد حلول ظلام

حلو باب القنطة /أي فتحو باب اليأس

كلش راح يبقى قرافي في البال/ كل شئ سوف يبقي في الذاكرة
العميد/ اي أول نادي مسلم في الجزائر
الفيراج/المنعرج الجنوبي وهو مكان في الملعب يجتمع فيه المتعصبون النادي

#أسامة_هوادف (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل