رحيم العراقي
الحوار المتمدن-العدد: 1459 - 2006 / 2 / 12 - 09:50
المحور:
الادب والفن
1
( وحشه )
تعبي صعد من جدميني للهامه
بخد الشارع إبوحدي مابيَّ أثر شامه
البرد يتدفه بعظامي وانه أتدفه بعظامه
معرض أحذيه إكَبالي
بيه الأحذيه الدفيانه
تتثاوب وره الجامه .
2
( عيد ميلاد)
أمس سويت حفلة عيد ميلادي
ونفخت النجمه والاهات عل شباك مطبوعه
وشّريت العمر عل حبل بلكت تنشف إدموعه
يعمري الما ثبت عل كيك
عمري بالرصيف أنفخ على شموعه
وسنين العمر بالماي جنهه أغصان مكَطوعه
جمعت إسنين ورحت للحطاب
لكَيت أحلامي
حتى أحلامي مبيوعه ..
#رحيم_العراقي (هاشتاغ)
كيف تدعم-ين الحوار المتمدن واليسار والعلمانية
على الانترنت؟