مقال لكل قائد مسيحى (ماذا عن الوعظ المنطلق نحو العنصريه؟)

أسحاق وليم ملاك

الحوار المتمدن-العدد: 5584 - 2017 / 7 / 18 - 08:46
المحور: العلمانية، الدين السياسي ونقد الفكر الديني
    

بجد أحنا كمسيحين شرقيين عنصريين حتى فى تأملاتنا الروحيه وتعاليمنا و يظهر هذا فى مواقف سأذكر منها قليلا
عنصريه 1:تلاقى خادم يستدعوه وقت الميلاد فى أجتماع السيدات مثلا يقول : المسيح عظيم للدرجه اللى سمح فيها الوحى بذكر نساء جاء المسيح من نسلهم طوباكى يابتشبع أنتى وراعوث وثامار علشان المسيح جيه من نسلكم و أن أسمكم أتذكر فى سلسله نسب المسيح
على فكره ربنا مش بيفكر بالطريقه دى وهو بيفكرفى قضيه مهمه زى خلاص البشريه فيعمل كوته للمرأه فى الميلادويسمح للوحى بذكر5نساء(تمثيل مشرف)علشان الستات مايزعلوش ويقولوه ليه يارب ماذكرتناش كستات فى خلاص الجنس البشرى بجد دى أهانه لله اللى فوق كل تمييز عنصرى على أساس الجنس و النوع وعلشان ينفى التهمه عنه بيعمل شويه أحداث وحركات ومواقف علشان ينفى ده عنه
عاوز أقول جمله :اللغط اللى أثير الوقت اللى فات حول كهنوت المرأه لكن أنا متخيل ربنا من فوق واقف مع أنه روح وفى كل مكان لكن تخيل معى وضعيه نظره فى هذا الموقف من فوق ومثلا هو بيشوف الكنيسه بتتخانق فى أمر زى ده وبيقول الناس دى بتفكر أزاى ؟ وعلى فكره لو أديتوا ربنا فرصه يحل مشكله كهنوت المرأه وخدمتها والترتيب الكنسى هيطلعلكم بحل جامد جدا باللغه الشعبيه هيطلعلكم بحل لوز اللوز يعنى
عنصريه 2: لا وراعوث مؤابيه كمان ياااه يارب أنت تسمح أنك تيجى من نسل مؤابيه مش يهوديه بس وطبعا العنصريه كانت فى شعب الله ساعتها ومتفهم نظره الناس ساعتها أنا ماعنديش مانع أننا نقبل ده على سبيل التأمل مش التعليم لأنه تعليم عنصرى ماهو ربنا سمح أن لوقا وهو أممى يكتب أنجيل مهم زى لوقا ...أيهما أصعب عليه؟
لاياعم أصل دى أمرأه و أمميه كمان يعنى الاثنين ...أبوس أيديكم خلونا نخرج بره حته التركيز على التفرد والاختلاف عند البشر فيتسرب لينا فكره تمييز الناس على أساس عرقهم لأن الله بيقولها لايهمنى أسمك ولايهمنى العنوان بل يهمنى الانسان قبل ما محمد منير يغنى الاغنيه دى بالالاف من السنين وياريت المعلمين لكلمه الله يفهموا ده
عنصريه 3: الله جاء من نسل زانيه زى ثامار وبتشبع طب ما يهوذا زنى وكذلك داود ماركزناش معاهم ليه ؟ طب ما أبراهيم كذب ؟ لا أصل دى زنى مش كذب والزنى خطيه كبيره
لاحضرتك الزنى والكذب عند الله واحد ....مابيختلفش صدقنى وهو واحد بجد فلذلك خطيه ثامار عند الله زى خطيه أبراهيم لـأنه ما عندوشتمييز فى الحق
وللمره الثانيه أقول ممكن نقول أن ده وعظ وتأمل ممكن يتقال
عنصريه4:لا ده كثير أقول أيه ولا أيه كفايه 3 مواقف ..المواقف كثير ربنا لايزيدها ولايباركها
الله بيستخدم الكل ومش على أساس الدين أو العرق أو النوع بل على حسب القلب بدليل أستخدام الله لجدعون وهو الاصغر فى عشيرته الذليله فى شعبه المستعبد للمديانين بس الله مش بيعمل كده مش على أساس أنه بيراضى الكل وبيأخذ خاطر الكل ومش بيحب يزعل حد فبيسمح بأحداث علشان يوصل فيها أنه مش عنصرى وطائفى زى شعبه
الله مش زى الراجل اللى عاوز يعمل فيه شجاع قدام البنت بتاعته فيتفق مع واحد من وراها أنه يعاكسها وهو ماشى معاها فيضربه ويبين أنه بيغير عليه و أنه راجل غضنفر مش بيسمح لحد يأذى البنت بتاعته
الله لما بيعمل كده بيعمل كده بما هو فوق الطائفيه والتحزب و العنصريه مش فى دماغه الكلام ده من تفاهات البشر لأنه أسمى من كده
طب ما هو ذكر ده فى تعليم فى الكتاب المقدس ؟ مثلآية (غل 3: 28): لَيْسَ يَهُودِيٌّ وَلاَ يُونَانِيٌّ. لَيْسَ عَبْدٌ وَلاَ حُرٌّ. لَيْسَ ذَكَرٌ وَأُنْثَى، لأَنَّكُمْ جَمِيعًا وَاحِدٌ فِي المسيح يسوع
لا يا عزيزى المسيح سمح بتعليم زى ده زيه زى أى تعليم لاهوتى مسيحى موجود لأنه كده فعلا وعارف فكر البشر فقرر يعطى هذا التعليم لأبنائه لينشروه فى الكنيسه ثم فى العالم أجمع فنحن نحتاج بجانب كرازتنا بخلاص وفداء المسيح أن نكرز بمبادئ المسيح فى التعاملات اليوميه أيضا حتى تصبح من البديهيات للعالم مثل أن الشمس تشرق من الشرق

ما أود أن أقوله نحن نعانى من المجتمع الذى يبث تعاليم دينيه عنصريه تتسبب فى جرائم عديده فى المجتمع ضدنا كمسيحين ولكننا فى نفس الوقت نقدم تعاليم عنصريه ربما ليس بقصد عنصرى فالعنصريه ليست بتكريس الافكار السلبيه لكن بايجاد أفكار أيجابيه أيضا يجب أن نسمو فوقها وتتحول لبديهيات مثلما قلت سابقا
مره أخرى أكرر أحترامى للتأملات التى تقدم عن سيدات فى نسل المسيح فجميعهن لهن الاحترام والتقدير وبالأخص أم المخلص السيده العذراء مريم التى نالت من العنصريه جانب عندما قالوا أن الله تجسد فى بطن أمرأه فقيره وكأنه اله الأغنياء والطبقات الوسطى ....صدقونى الله تفكيره أسمى من هذاالتمييز والعنصريه التأمليه المسيحيه ولو كانت أيجابيه
لأنه أذا كنا نؤمن كمسيحين أنه بالكيل الذى نكيل به نحن يكال لنا أيضا ...فيجب أن كنا نرغب فى خطاب دينى واعى وغير عنصرى تجاهنا فيجب ان لا نمارسه نحن ايضا تجاه أنفسنا أولا .

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل