كان النه بابا

هاشم القريشي

الحوار المتمدن-العدد: 5490 - 2017 / 4 / 13 - 10:34
المحور: الادب والفن
    

كان النه بابا

كان النـه بابا ويا خالو ليش أنعيت
وكان النه بيت ويا موت بينه شسويت
راح يجلب خبزه النه ..وليش تعنيت
وياريت الشــمس ماغـابت وياريت
والســياره ماســارت ياريت
والدنيا علينـه مادارت يابابا ياريت
ليش يابابا رحت وما رديت
ولجلك توضيت وصليت
وتعود النه ودعيت .. وحلمت وبكيت
ولعصفور الصبح كسرة خبزه زتيت
وبسمك ياوطن هلهلت وغنيت
وتمنيت تسلم وعليت
وتخاص من سيف العدوان
ياربي متخلي طفل الحزنان
ونعيش بسلم وأمان
ولانسمع مأتم عند الجيران
ونشوف الفرحه بكل بيت
ولا طلقه شوم وثارت
وطفل اليلعب صابت
أطفال ورود تلعب بالشارع
ولا ضل مسين وجائع
وكل بابا لبيتو راجع
ولا صار الوطن يا بابا ضايع
ومن أرهاب الطائفيه يابابا جنيت
من سياسة العم بوش
صرنه مثل خلال الطوش
لاورده ولا نخله بهذا الحوش
وقصة شعبي بالمسلخ سلخو
وبليل أســود باعوا
ولعهد هالوكو رجعوا
والف وسفه ويا حيف
وجلناح السلم صلبوا
ونبراس الصدق طفوا
ومن لندن اواشنطن نعلوا
مجلس حكم محكوم بهل البيت
ويا علي صار الفرهود
وتمنينه نصير جنود
ونحمي بغـداد بليـه حدود
ويابابا بخير النه تعـود
ولانسمع صوت الرادود
ويكول شسويت
يابابا ليش بلا كسرة خبزه جيت
ولا النـه رديت
ويايمه ماغمضت عينك ..عينك رمدت
وانع لعينك جمره أبكيت......!!!!

#هاشم_القريشي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل