هيّه كوّه

محمد الذهبي

الحوار المتمدن-العدد: 5380 - 2016 / 12 / 23 - 22:54
المحور: الادب والفن
    

هيّه كوّه
محمد الذهبي
هيّه كوّه
اسنينه طاحت غفل
مدري جيب الله تركها
مدري بابه ابلا قفلْ
×××
هيّه كوّه
لهفة العاشك مصيبهْ
تدور باطراف الكصيبهْ
×××
مانريد اهواي نوكف بالمحطه
شو قطار الليل فات
ومن قطار الصبح يوصل
خلي ايدك علجروح
وشوف ياجرح الكبل خلانه ماتْ
×××
هيّه كوّه
حته لو ارجع شباب
انته انته
اشما اسولف بيك
تطلعلي ابعذابْ
×××
هيّه كوّه
العمر طاسة ماي طاحت علتراب
وآنه صافن
يرجع الماي التبده
لو حلاة الروح تتمنه الشبابْ
×××
هيّه كوّه
اشتلعب العبْ
مايفيد وياك دين
ولايفيد اوياك مذهبْ
×××
هيّه كوّه
كلب مبيوع اشتريتْ
عاملت موخوش عمله
وايست تالي وطفيتْ
×××
هيّه كوّه
تلجي كل اجعابهم
بس جعبي نايم
خلصت كل القوافي وآنه هايم
×××
هيّه كوّه
مرّه شفتك وانتهيت
ومرّه
صادرت الكلب مني ومشيتْ
×××
هيّه كوه
ايدي ماتوصل عنبكم
صار مدري اشكد اكمز علعنب
لا لعب وياي واحد
بس كتبتولي التعبْ
×××
هيّه كوهْ
حسرة الماضي جبيرهْ
بعنه بيه ايامنه وذيج الضفيرهْ

#محمد_الذهبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل