دارميات عراقية شعبية .....روضة اهلا وسهلا بيك/4

ذياب مهدي محسن

الحوار المتمدن-العدد: 1409 - 2005 / 12 / 24 - 07:47
المحور: الادب والفن
    

اهلنا في العراق الرائع وشعب أمة العراق العظيم له خصوصية الابداع في التحية والسلام وردها باجمل واحسن منها لا بل اكثروا فيها شعرا وحب حتى قيل ان اهل العراق تحيتهم وسلامهم وردها هو غزل بكل ماتعنيه كلمة غزل فهم قبل نزول آية التحية وردها بأحسن منها كانوا لهم خصوصيتهم الرائعة في التحية والسلام انهم يطفحون ملح السلام والحب والشوق انهم اصحاب العاطفة الجياشه ولا يستطيع اي شخص في الدنيا سوى اهلنا في العراق ان يجارينا في السلام ورد السلام ونحن اهل السلام والحب ومن هذا الاستهلال اغرف لكم من دوحة الشعر الشعبي العراقي خصوصيه في نوع من الشعر هو الدارمي وكيف نرد التحية ليس بأحسن منها لكن باجمل واروع واكمل وجدانا منها فاذا كانت التحية مستحبة فان الرد واجب وكيف اذا كانا شعرا وموسيقا هذا هو الرد يا عشاق السلام ومن روضة الدارمي العراقي هذه الباقة وعساكم في السلام المنشود للعراق الحر والشعب السعيد والى فجر المسرات نحن نمشي لمشرق الشمس الحمراء
&&&&&&&&&&&&&&
اهلا وسهلا بيك يالجنت غايب
خلانك ييحيّوك وكل الحبايب
*****
اهلا وسهلا بيك كل مسه ومصباح
يلشوفتك تزهي العين والكلب يرتاح
*****
اهلا وسهلا بيك يامنبع الطيب
لو تعكر النسوان لو مثلك اجيب
*****
اهلا وسهلا بيك جيت أبمحلك
ومن التتن كاظين نستحي انكلك
*****
اهلا وسهلا بيك كلش أهوايه
بكثر ما بالروح منك جوايه
*****
اهلا وسهلا بيك ياحلو العيون
وبجيتك هاي طرت فجر يكلون
*****
اهلا وسهلا بيك ياحلو الاطباع
مابياش حركه وظيم لو صار الوداع
*****
اهلا وسهلا بيك يابعد روحي
شوفتك والله اليوم بلسم اجروحي
*****
اهلا وسهلا بيك من البصره للكوت
ليش الأأمن بيه يكرصني بسكوت
*****
اهلا وسهلا بيك يا معرس الروح
دوم الهج بطاريك من تجي وتروح
*****
اهلا وسهلا بيك وكت التحب مر
أبروحي اتلكاك وانثرلك الدر
*****
اهلا وسهلا بيك بالكلب كلنه
عادينه كل الناس حتى ويهلنه
*****
اهلا وسهلا بيك وبجيتك هاي
وبالسمه حتى الطير هم رحب وياي
*****
لا واشي لا نمام يدخل عليه
اهلا وسهلا بيك من تطب ليه
*****
اهلا وسهلا بيك واكثر بلوياك
الكلب كبل العين فر وتلكاك
*****
اهلا وسهلا بيك حيل الكلب صاح
لو ماتلزمه ضلوع أتفرفح وطاح
*****
اهلا وسهلا بيك وبجيتك هاي
أعتقد والله انزاح كل غيض الوياي
*****
اهلا وسهلا بيك يالجنت غايب
وكليبي من فركاك تحمل مصايب
*****
اهلا وسهلا بيك كبرت لبيك
والنعمه ما ينكام عنه وكمت ليك
*****
اهلا وسهلا بيك لاهله ولا جيت
وبكل ضلع بسمار من تجفي خليت
*****
اهلا وسهلا بيك يامسر كلبي
انت النظر للعين بيك اجر دربي

#ذياب_مهدي_محسن (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل