عيد صديد !!‎

أكرم الصوراني

الحوار المتمدن-العدد: 5193 - 2016 / 6 / 14 - 06:24
المحور: الادب والفن
    

كان لسّه بوبو صغير و"حمامته" صغيرة والبز الكذاب بتُمُّه وأوّل كلمة عَ لسانه بعد كلمة "إمبـو" .. "الفلتان" .. "الفلتان" لا كان يعرف يحكي معابر ولا رسوم ولا وكيل وزارة ولا ضرايب ولا "غزّة تبعتي" ولا "رام الله تبعتَكْ" ولا يا عَ خاطري يا بحرد وكانت العيشه أبسط من هيك صحيح كنّا نغلط و"نتف" عَ بعض بس كنا نآكل بصحن واحد ونشحت كعك من دار أم توفيق كنا سوا سوا ع "الحلوة وع الحامضة" و ع الزيت وع الزعتر وعَ الاحتلال "وهي لله" "هي لله" ويوم ورا يوم الله يمسيها بالخير سميرة سعيد كبر أخو الشليته صار زلمة بدقن ماشالله عليه طول بعرض بطلب بسيارات بأراضي بعمارات بشركات بمصالح بأجهزة بعقارات بمحلات ودولارات وبشروط لدرجة إنه صار يتحكم في "بورصة البيض" .. وصرنا "جاج" عنده يمّه .. صرنا زي حبة المانجا المخمجه وصار يشروِط علينا .. ابن الكلب زي اليوم إنولد وزي اليوم دفنوا فلسطين فاكر تاريخ ميلاده منيح 14/6/2007.. "الانقسام" كبر يا اولاد القمحة صار بالصف الرابع ناجح ماشالله عليه في كل المواد بالعربي والانجليزي والاقتصاد والعبري والحساب بس ساقط في الوطنية وبعد ما كانت كلمة فلسطيني ترفع الراس خلاّها تِرفَع الحواجب .. وكل سنة وانت ساكت !!

أكرم الصوراني
غزة-فلسطين المحتلة

#أكرم_الصوراني (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل