لالة زينب غير قبليني* شعر عامي

محمد نور الدين بن خديجة

الحوار المتمدن-العدد: 5032 - 2016 / 1 / 2 - 01:51
المحور: الادب والفن
    

** لالة زينب غير قبليني
**********************
* إلى داكرة تسكن الجوارح من لظى السنين: إلى حومتي الشعبية حي السبتيين بمراكش*
* الى روح القابلة جدتي لالة زينب .



يالالة مولاتي مولاة السجية
كيف شجاني صباحك ومساك
مازال تجرني لك النية
باغي منك جرحك ودواك
*
يالالة مولاة السر
كيف سرك جهر بهواك
كيفاش نخفي هد الضر
هد الضر امحزم باشواك
*
يا لالة مولاة الخير
كيف الطير علا ف سما
يالالة ف الحب نحير
مازال نغرق عاطش ف الما
*
يلالة لالة زينب
قبلاتني ف العام الزين
خرجت من الجنة هارب
وسموني نور الدين
*
يادريبة يارهيبة
مازال تجيني ف احلام
شحال من ضربة صعيبة
ولامثلاتها أفلام
*
يادربي يادرب جديد
ياعشقي ونمشي ليه
وخا يحصروني بحديد
قصيدي لامن يثنيه
*
يادريبة والحاج الفاضل
مازال الملحون يحكي
يادريبة والكور الحافل
هادا عيطي جايك يشكي
*
يادريبة والوقت اصعاب
مايصعاب علي وعليك
يادريبة لمة لحباب
كيف لحباب مشاوا عليك
*
يا لالة وعلي دين
باغي نعرف قولي كيفاش
نرجع لصدرك لحنين
لغطا منك لقصيد فراش
*
يلالة ياامي زينب
قبليني نرجع صغير
جداتي عوينتي زينب
ف سبتيين عشي والطير
*
أمي زينب والسويقة هاجت
سولوا *مغي *ع لطاحونة
طحنتنا لوقت وسابت
ودراتنا هد الملعونة
*
باغي نمشي باغي نرجع
لكن شكي يردعني
نحبس شوقي قلبي يدمع
تجي لحيرة تصفعني
*
ياحومة لالة ليلي
مجنونك جنو ماعاد
باغي السهرة تكون طويلة
خنجر عشقك ساكن لكباد
*
ياليلى راني مجنون
ياليلى قلبي مطعون
ياليلى قصيدي مشطون
ياليلى وجدك مازال
ماماج الدمع وسال
وهاج الشاعر وقال
لالة زينب وقبليني
نرجع ثاني مولود جديد
راني شاعر وتعرفيني
وخا يقتلوني بحديد
من كرش امي وجبدتيني
وقلت ولدك عنيد
ولد ايامو احسن عوانو
ف زمان غريب ف درب جديد

شعر : محمد نور الدين بن خديجة-;-

#محمد_نور_الدين_بن_خديجة (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل