مصر وانتقام الحمير

جاك عطالله

الحوار المتمدن-العدد: 4957 - 2015 / 10 / 16 - 07:46
المحور: العلمانية، الدين السياسي ونقد الفكر الديني
    

مصر وانتقام الحمير

اريد ان اقدم شكوى رسمية ضد الحكومة المصرية لسماحها بشن حرب ابادة ضد الحمير المصرية لكى امنع انتقام الحمير المضاد ضد مصر
23 الف حمار مصرى ذبحوا وسلخوا فى مزرعة واحدة فى محافظة واحدة وهى محافظة الفيوم وتم تصدير جلودها للصين ولحومها لمحلات الحا واوشى وهو الاسم الساخر لرغيف اللحم المصنوع من لحم الحمير وانتهت فى بطون المصريين على اشكال عديدة كفته وكباب و كباب حلة و طاجن لحم وغيره
الان تخيلوا 23 الف حمار من مزرعة واحدة بمحافظة واحدة من 26 محافظة فكم سيكون المجموع الكلى ؟؟؟

كل كام سنة تطلع هوجة من تنظيم داعش المصرى الكاره لوجود توازن بيئى بين البشر والحيوانات

حدثت من عدة سنوات ضد الخنازير فى عصر مبارك وتمت ابادتها بالكامل بالحرق فى الجير الحى لافقار المسيحيين وهم من يربيها ولم تكن الخنازير محطوطة لتذبح وتؤكل كالحمير لان الخنزير نجس لدى المسلمين بينما الحمار ليس نجسا

وهنا اطالب بصفة عاجلة بفحص دم وانسجة هستوباثولوجى لكل المسئولين المصريين للكشف عن اثار لحم الحمير بجسدهم ومدى تاثيرها على تصرفاتهم المثيرة للريبة

من زمان والمسئولين المصريين بيتصرفوا بطريقة غير طبيعية

يعنى سايبين حزب النور يبرطع فى مصر ويغنى محلاها دولة السيسى سايبنى ابرطع فى ارض براح زى ما بيقول عبد الوهاب -

و بس امبارح مخيون رئيس الحزب قايل فى تصريح رسمى فضيحة عنصرية دولية انه مضروب مركوب من القانون المصرى انه حاطط اقباط على لايحته الانتخابية بضغط القانون وان هذا اكره ما عليه ومضطر لاجتراره كالسم لانه يتمنى يخلص من الاقباط وقرفهم ومن المفروض حسب الشرع الاسلامى مالهمش اى حقوق فى اى مجال

وشايف ان مرتضى منصوروالسبكى ووزير التعليم السابق و المحافظين ورئيس مصر السابق عدلى منصور بن الخطاب و رجال الاعلام زى عكاشة عكوش وحياته الدرديرى والاعلامى الشاويش وائل الابراشى والامنجى عبد الرحيم على والامنجى احمد موسى بيتصرفوا بطريقة حميرية منهقة مما يثير الشك فى عب المواطن الغير حميرى من التنهيق المستمر والمزعج

انا موش فاهم السيسى ممشى البلد دى ازاى ؟؟؟ وليه سايب الناس دى تاكل حمير البلد وتخلص عليها مع اننا معندناش اى رفاهية ان الناس تنقلب حمير والدنيا موش ناقصة غباوة فيها اللى مكفيها

قوانين الانتخابات بتطلب شرطا جوهريا ان المرشح يعمل كشف طبى وجزء منه المخدرات والمكيفات فى دمه

وده كلام صح وها اقبله مع ان تجار المخدرات ومعظمهم من اللى مناسبين الحكومة والداخلية والجيش ما بيشربوش وبيدخلوا مجلسي الشعب بفلوس المخدرات اللى بيسموا بيها بدن الشباب المصرى --

ازاى بقى وده وجه اعتراضى ما يتعملش اختبار دم للمرشحين وللمحافظين والوزرا وكل المسئولين بالاعلام والادارة المحلية للكشف عن لحم الحمير بدمهم ؟؟؟؟ علشان نتفادى تصرفات حميرية مطلقة زى تصريح رئيس لجنة الانتخابات التشريعية انه لن يسمح بدخول ناخبات بالشورت الساخن مع ان ست محترمة اتبهدلت واتعرت على كورنيش القاهرة امبارح ولم يرحمها مئات الشباب المسعور جنسيا اللى فشكلوا جغرافية جسمها من جوة رغم انها شايلة طفلعها الرضيع علشان لابسه فستان بحمالات بحر القاهرة ونازلة تشم شوية هوا مع رضيعها على الكورنيش

مزرعة واحدة للحمير اندبح منها 23 الف حمار واتاكلت من المصريين ورغم ظهور اعراض اكل الحمير على الناس واضحة وجلية

لكن المفكرين بيسألوا البلد رايحة على فين ؟؟ نعم ياخويا انت وهو ؟؟؟ بتستعبطوا ؟؟؟
ماهى الاعراض واضحة

الشعب بياكل فى بعضه ليه بعد ثورتين ؟؟
وحزب الضلمة مسمى نفسه نور ومبرطع بالبلد ليه ؟؟
والنهاردة ماتش السوبر كان ها يتلغى لان رمضان صبحى وقف ع الكورة من الاعراض الحميرية وابتدا ينهق و لاعبين زملكاوية من اللى اكلوا الحمير وراه هاتك يا رفس وتنهيق والحكم اتعدى وجرى رفسا باخر سرعة ومعه مساعديه على غرفة الملابس فى تصرف حميرى غير قانونى لم يحدث قط باى ملاعب ؟؟؟؟

والله انا شاكك ان اللى عملوا الثورتين 25 يناير و 30 يونيو تسلطت عليهم ارواح الحميرالمدبوحين بتنتقم من اللى دبحوهم و اكلوهم

#جاك_عطالله (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل