قرار السيسى الاخير بالزام دور العبادة بمصاريف الماء والكهرباء- انشراح عاوزة تلطم

جاك عطالله

الحوار المتمدن-العدد: 4876 - 2015 / 7 / 24 - 01:18
المحور: العلمانية، الدين السياسي ونقد الفكر الديني
    

نشراح عاوزة تلطم على قرار السيسى الاخير بالزام دور العبادة بمصاريف الماء والكهرباء بس الحقيقة موش عارفة تلطم على وش مين ؟؟

مر قرار رئيس الجمهورية الاخير مرور الكرام بدون اى تعليق ومعلش انا نيتى سيئة وموش عاوز اعديها لانها لايمكن تعدى بالسهوكة والتعتيم وتزويق الفسيخ علشان نفتكره شربات وعدل


انا اوعزت لانشراح انها تلطم بس سالتنى سؤال استنكارى الطم على وش مين ؟؟ سؤال محير لانها رافضة تماما تلطم على وشها اللى اتهرى

وعاوزين حد يتبرع بوشه علشان انشراح تلطم وها نشرح ليه لاننا اصلا لا غاويين نكد ولا لطم

الجوامع والمساجد ليهم كبير بيصرف عليهم مرتبات وميكروفونات وسجاجيد وبناء وصيانة ومئات الاف المفتشين والوعاظ و الائمة و مقيمى الشعائر و الحراس والامن والعمال واللى بينضفوا واللى بيفرشوا السجاد واللى بيصلحوا التكييف و كبيرهم وزارة الاوقاف اللى بتضم كل يوم مئات من الزوايا والمساجد و تبتلع معظم ميزانية الدولة المفلسة هية والازهر وكل ده علشان تدخل المسلمين الجنة اللى اصلا موش وظيفة لا الاوقاف ولا الدولة -

دلوقتى لما يطلع القرار الشيطانى بوقف تحمل الدولة مصاريف المية والنور - دا قرار موجه ضد الاقباط والكنيسة لافلاس عاجل لان الجوامع والزوايا ها تتحمل مصاريفهم وزارة الاوقاف اللى مشغلة الجيش الجرار ده بينما الكنيسة ها تزداد اعبائها ونرجع لاوائل ايام البابا كيرلس السادس عندما لم يجد اموال يدفع بها مرتبات البطرخانة وسلفته الدولة خمس الاف جنيه وقتها ايام عبد الناصر لان اوقافنا مسروقة ومنهوبة

هما الاقباط راحوا فين ؟؟؟؟

ودلوقت ها تدفعوا ولا تطلبوا بالمعاملة بالمثل وخصوصا اننا بنمول وزارة الاوقاف من الميزانية العامة اللى جاية من ضرايبنا ؟؟

انشراح عاوزة تلطم ياترى على وش مين ؟؟؟؟

#جاك_عطالله (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات