سخم _كا

حلمى حمدالله
كاتب ومفكر

الحوار المتمدن-العدد: 4946 - 2015 / 10 / 5 - 09:01
المحور: كتابات ساخرة
    

سخم _كا


جدى العزيز ...وحشنى من زمان ...من سنين ....من يجى كده 5000 ولا 7000 سنه....عامل ايه ياجدى.....اياك بخير عاد ....وكيف حال اخوالى ...من الأسره 18....والأسره 19 ...وكيف حال جدى الكبير العظيم رمسيس....اياك يكون ارتاح لما شالوا تمثاله م الميدان ......إوفرع الشجاوه توت .....عنخ امون ....الى حير العالم .....مش الى منجوش فى صوانى بتاع الست صباح ....الله يرحمها بجى ....
كيفك وكيف حال جدودوى الفراعين كلاتهم .....عشاله تكونوا بخير وفى البر الغربى مبسوطين...وراكبين مراكب الشمس والمراجيح ومروجين اكده ومبسوطين....
هو ....فى اكده خبر مش ولابد ياجدى ....وحبيت انك تعرفه منى بدل ما تعرفه من الغريب.....فى سخماط صغير من سخاميطك معرفش كيف راح لوندون .....وعيتباع بالمزاد ......لكن انى مش هاسكت وهاعمل الى فى وسعى يارجعه..... ياشتريه.....
عارف كل الى ع تجوله.....
والله ما نا ياجدى..... انا تايب من زمان وانت تعرف ....مش ممكن الى حمى مساخيطك الى فى المتحف بجتته ليله الثوره من الحراميه يعمل عمله زى دى....
لا ياجدى ولاد سليم اللبانيين مالهمش صالح خالص بالموضوع ده.....ولا عزبه محسن كلاتها .....

هتجولى ان ولادك واحفادك مهملين ثروتك الى سيبتهالهم ......صح .....بس هاعمل ايه ياجدى انت عارف ان مش كل ولادك مصريين صح ومأصليين ......وانت كت غاوى غزوات وكييف نزوات ..... اشى مره فى الشام ومره فى تحت النوبه ....فمش كل ولادك مأصليين مصريين ...مش عايز اكلم وانت كت غاوى عط ياجدى....
بس انا عازرهم ...المعايش بجت صعبه جوى فى بر مصر ياجدى ....والناس لو طالت هتبيع هدومها مش مسخايطها .....
يالا....جدر ولطف .....وجت فى مسخوط صغير ...... مش عايزك تزعل انا عارف انك ع تحب مسخايطك كيف ولادك.... وكنت ناوى تجابل بيهم وجه كريم ....وعشان اكده حطتهم فى مجبرتك ....بس انت عندك منهم كتير ياجدى....وعندك اعمال حلوه كتير تجابل بيها ربنا .....ماجاتش على المسخوط ده ...
وبعدين زمانه مروج فى متاحف لوندون واروبا ومهيص هناك ....ومعالجينه وحافظينه زى عينيهم ......ويمكن يجابل المسخوط بتاع جدتى نفرتيتى ...الى طفش على المانيا من زمان ......ولا الحجر ابتاع رشيد اللى الأنجليز ضحكوا ع الفرنساويين وخدوه معاهم متحفهم .... واهوبيمثلك بردك ياجدى .....ويعرف العالم دول كيف كنت عظيم فى ايامك .....وكيف صار ولادك عوله فى ياامنا ...يالا...
ولا يعنى انت عاجبك مساخيطك انت وجدودى التانيين الى مزنجه فى المتحف كيف الأتوبيس.... ولا الى بتترمم منها باسمنت بورتلاندى... ويجلخ بالحجر والشنيور كيف بتوع المحاره....مش عايز اكلم ...
عموما ربنا يستر ياجدى على ثروتك ...ويفوج ولادك عشان يحافظوا عليها .... ومن ناحيتى انى هبلغ كل ولادك الى يلاقى مسخوط من بتوعك ولاحاجه من ثروتك الى انت سايبهالنا ....يردم عليها تانى...لغايه ربنا مايرزق البلد دى بجيل يحافظ على سمعه جدوده ......
وبعد اذنك يعنى الرساله دى انا هترجمها وابعتها لكل السفارات بتاعه الأجانب والجرايد كمان ...اشوف وشك بخير ياجدى
"إند اوف طيكست "

#حلمى_حمدالله (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل