صادق محمد عبدالكريم الدبش
الحوار المتمدن-العدد: 4895 - 2015 / 8 / 13 - 03:58
المحور:
مواضيع وابحاث سياسية
اسمعوا ياجماعة ...بعدين هسه ...يتبين ألكم ..ورح تشوفون ...أخر شي وبعد التحقيق والدراسة المستفيضة ؟...!...ودي الليف !...وجيب الليف ...وأخر شي يطلع الشعب هو الحرامي ...وهو البايك الحكومة !!! ومتأمر على العملية السياسية ! ...ورح يقررون بعد الدراسة والتمحيص والتريث ، وبعد جهد جهيد ...ولأنهم لم يجدوا في النشامة !..من حكومتنا والبرلمان والرئاسة والقضاء !...ما لكو أحد بيهم حرامي..! لتقديمه الى المحاكمة ومصادرة أمواله المنقولة وغير المنقولة ؟ ، فلم يبقى سوى الشعب ؟ ...وتبين في أخر المطاف الشعب هو الحرامي !..وهو البايك الحكومة ؟!!! ، وبعد عناء وجهد كبيرين أحالوا الشعب الى محكمة خاصة عن كل ما أرتكبه من جرائم بحق الحكومة وقادة العملية السياسية !...وبعد الأطلاع على أوراق الدعوى ووفق الأصول المرعية وحسب القوانين البغدادية المعمول بها !..قرروا تجريمه بكل التهم المنسوبة أليه !..وأصدار أشد العقوبات بحقه ورح !...يلعنون سلفة سلفااه !!! ...لعد شلون !...دولة فيها قانون !...خو موسايبة ؟...أي ...دولة أسلامية .......دولة ألاهية ..سماوية مسلفنة ...حتى لو ما قبلت بيها المرجعية !...أذا ما يقبلون بيها اليوم ؟...رح يقبلون بيها باجر!!!! ...وكل واحد ياخذ نصيبه ...وألله يرحم والدينا ووالديكم .
صادق محمد عبد الكريم الدبش
13/8/2015 م
#صادق_محمد_عبدالكريم_الدبش (هاشتاغ)
كيف تدعم-ين الحوار المتمدن واليسار والعلمانية
على الانترنت؟