الظلمة بتخبئ عنا ضى الوجوه

عبدالله صقر

الحوار المتمدن-العدد: 4785 - 2015 / 4 / 23 - 06:29
المحور: الادب والفن
    

الظلمة بتخبئ
ضى الوجوه
لما تتوه وسط الزحام
والضى بيحجب عنا
نور الحقيقة
يعلا صوت الغربان
ويخفت الآصوات السديدة
ويبقى لنا الآصوات الشريدة
ومع الآيام تتوه الضحكة البريئة
,,,,,,,,,,,,,,,,,,,,,,,,,,,,,,,,,,,

مع غصن أخضر
طفل برئ بيكبر
يصيح مع كل نهار
ويقول الله أكبر
على غربان
بتحاول تشوه الآديان
مع نور رسول الآسلام
بيعلا صوت الغربان
وتهاجم أشرف الآكوان
,,,,,,,,,,,,,,,,,,,,,,,,,,,,,,,,,,,,,

ولو قلنا دى حرية
يبقى فاضل أيه للغجرية
هى الحرية تعدى على
رسول البشرية !!!
,,,,,,,,,,,,,,,,,,,,,,,,,,,,,,,,,,,,,

يا عم موريس صادق
خليك مرة صادق
هو اللى أنت عملته
فى فيلمك عن رسولنا
كلام صادق !!!
,,,,,,,,,,,,,,,,,,,,,,,,,,,,,,,,,,,,,

الآنتقام موش بالشكل ده
ولا بالأسلوب ده
يا عم صادق
الآديان لها حرمات
وللأسف اللى ظاهر لنا
أن ضميرك مات
,,,,,,,,,,,,,,,,,,,,,,,,,,,,,,,,,,,,,

أعتقد وأعتقادى جازم
بأنك عاوز تعمل فى بلادنا فتنة
لكن الناس هنا عارفين إن أمثالك
فى زمانا ده فتنة
واللى ما تعرفهوش إن المسلمين والآقباط
فى مصر قلب واحد
ومصير واحد
لآن ربهم واحد
وشاربين من نبل واحد
,,,,,,,,,,,,,,,,,,,,,,,,,,,,,,,,,,,,

أرجوك خليك فى نفسك
وبلاش تهاجم اللى أحسن منك
لآن ده رسولنا الكريم
اللى علمنا أصول الدين
وهو بالنسبة لنا رحمة للعالمين
يا عم موريس
حرام عليك
لآنك تايه وموش عارف
رأسك من رجليك
ولو كنت عامل حساب
للأقباط والمسلمين
كنت حافظت على شعور الآثنين

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل