موش عاوز ارجع للضلمة من تانى

عبدالله صقر

الحوار المتمدن-العدد: 4729 - 2015 / 2 / 23 - 17:44
المحور: الادب والفن
    

طالع من الظلمة
اللى عشت فيها سنين
كنت بحلم بالنور يحتوينى
طالع أدور على وطن يلمنى ويأوينى
أو يأخذنى فى حضنه ويحمينى
كان لى أمل فى نور يهدينى
وأيد تمتد لى وتداوينى
بدل البهدلة وغربة سنينى
مع اللى يسوى واللى ما يسوى
ومع اللى كان ناسينى
طالع وكلى شوق للأيام
اللى جاية تداوينى وتشفينى
من عذابات الأيام
,,,,,,,,,,,,,,,,,,,,,,,,,,,,,

بعد ما طلعت من ظلمتى
لقيت وحوش واقفة على بابى
تهدد سكونى
كل يوم أنام مهدد من وحوش
زى الجيوش
وحوش بتههد الكل
وموش عارف هم عاوزين أيه
,,,,,,,,,,,,,,,,,,,,,,,,,,,,,,

كان عندى أمل فى بكره
والآمل ها يضيع منى
كان عندى أمل أن بكره
يكون أحسن من أمبارح
وما يكنش فيه قلوب بتكره
ولا يكنش فيها وحش جارح
أيه اللى جرى يا ناس خليتوا
الفكر سارح
,,,,,,,,,,,,,,,,,,,,,,,,,,,,

طالع من الظلمة ونفسى
أرجع ليها من تانى
موش عاوز أشوف وجوه
مستأسدة بتتحدانى
كرهت ضى النهار
من أجل وحوش متصيدانى
الضى تاه من عيونى
ونفسى أرجع للظلام من تانى
يمكن أرتاح والظلمة تبقى مريحانى
وألاقى ناس نفسيتها حلوة لسة مستنيانى

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل