الدم الرخيص

عبدالله صقر

الحوار المتمدن-العدد: 4528 - 2014 / 7 / 30 - 15:24
المحور: الادب والفن
    

لى ديوانين تحت الطبع الآول أسمه صقر على جناحى طائر والثانى حلمت بيك

الدم الرخيص

نموت فى عبارة
أو فى زنزانة
أو تحت أنقاض عمارة
ننشحن فى شيكارة
أو على أيد بلطجى فى حارة
نموت فى مزلقان
تحت القضبان
أو تحت عجلة أتوبيس
هو ده كان حالنا مع أ عوان أبليس
علشان دمنا كام عندهم رخيص
.......................................

على أيديهم كان بيجينا الموت
إما بكرباج جلاد
أو بسيف جبروت
أو بأيدين عسكرى بوليس
صدقونى لآن دمنا كان عندهم رخيص !
كنا لما بنام كنا بنحلم بيهم هلى هيئة كوابيس
...................................................

كانوا بيدهسونا بالجزم
لآنهم كنوا حاسبينا من تعداع العدم
يدعكونا ويسحلونا علشان بنطالب بحقنا
والدم سايل على خدنا
ومسطر على ورق الكراريس
كل ده كان عندهم موش مهم
لآن دمنا كان عندهم رخيص
.................................................

كانوا بيعاملونا بمنطق القطيع
لآن مصر كانت عزبة لهم وإحنا المقاطيع
ويا ويله وبا ظلام ليله إل يتكلم أو بعترض
كان بيختفى وبضيع
.................................................

حسنة وأنا سيدك
وأوعى تمد لنا إيدك
لحين ينخرب بيتك
وأه لو رفعت صوتك
وطالبت بحقك
يا ويلك وظلام ليلك
ماهو أنت كنت بتشتغل فى عزبتهم
وبتشتغل عندهم أجير
وأخر النهار بيعاملوك معاملة الحمير
.................................................

وقامت الثورة , وكانت ثورة عليهم
على فكرة إحنا أول بلد يسجن فى وقت واحد ريئيسين
الآول جوع وعرى شعبه سنين
وجزبه الواطى نهب بلايين
ياترى البلايين راحت على فين ؟
والثانى لعب على وتر الدين
وجماعته الآرهابية قالوا علينا كافرين
وأخترع لنا النهضة ودقناه
قلنا خلاص ... إحنا معديين
خلاص هاندوس على الفقر بعد صبر سنين
وأنتظرنا النهضة ... طلعت بلابين
فى الهواء وقعدنا مجتارين ومحسورين
ننعى حظنا على رئيسما كنش مننا
رئيس كان عايش لعشيرته
وكان جاى علينا كلنا
قسم البلد لنصفين
نصف كفار ونصف مسلمين
.................................................

قلنا ثورة ومستمرة
لآن الكلمة أصبحت حرة
والدماء فى العروق حرة
وفلوس الغلابة المنهوبة مرة
مسروقة من خزائن الدولة
فى ألف صرة وجرة
...............................................

الآول نام على ظهره لما جينا نحاكمه
وعمل عيان
والثانى قال أنا الرئيس الشرعى
وطول عمرى علشانها شقيان
لساهم مفكرين أن الشعب لسه فى التوهان !
..................................................

أصحوا يا أصحاب العقول النية للغربان
لحسن يأخذكم الطوفان
البلد دى لازم يعلا فيها صوت الكنايس والآذان
والسواعد تشتد علشان يعلا البنيان

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل