بشوفك فى عيون أبنى

عبدالله صقر

الحوار المتمدن-العدد: 4402 - 2014 / 3 / 23 - 21:56
المحور: الادب والفن
    

كل ما يطلع على نهار

أشوف عبون أبنى بملامحك

زعلان ... غضبان , أتاريه

يا ولداه صعبان عليه جرحك

أقعد أصبر فيه وأقوله بكره

الخفافيش هاتختفى وتسيب عشك

طول عمرهم بيكلوا من خيرك وهم

أكبر ناس بتدمرك وأكبر ناس بتغشك

يكذبوا ويقتلوا بإسم الدين علشان الكرسى

ملعون أبوه كرسى اللى ها يهزك

ما أنتى طول عمرك كبيرة وصامدة

ولا حد قد يهز شعرة منك ولا يمسك

أشمعنى لما كبيرهم قعد على عرشك !!!

ولا صعب عليهم فلوس الكرسى

قعدوا يقتلوا فى عساكرك

إل بيقتلوهم دول هم أولادك إل

بيحموا ناسك ومكانتك

الخسة فى دمهم وما أتعلموش

من درسك

أصل هم ما أتعلموش فى مدارسك

أتعلموا فى مدارس الآرهاب

والآرهاب يا كبيرة موش من طبعك

أنت اللى علمتينا أول درس إزاى

يكون حبك

لكن يا كبيرة حبك عندهم بيفرق

لآنهم ما أتعلموش أول درس لآنهم

بيكرهوا هواكى وشمسك

من صغرهم مهم ما يعرفوش

قيمتك ولا غلاوتك

بكره يعرفوا لما ينداسوا وهم

بعاد عن ترابك وخيرك وعزك

إل يعيش فيكى لازم يقدر تعبك

وينحنى لترابك وما يخونكيش

وقت فقرك وعزك

#عبدالله_صقر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل