شو في ما في ؟

مريم نجمه

الحوار المتمدن-العدد: 4743 - 2015 / 3 / 9 - 01:54
المحور: الثورات والانتفاضات الجماهيرية
    

شوفي ما في ..؟
شو في ما في
كل شي في .......
الحالة قايمة وقاعدة .. وما بقي شي
لا شعب ولا خزينة
ولا أرض ولا حدود بعد , ولا شهود -
لا خبز ولا ماء ولا كهربا حتى ولا دوا.. فِي
لا حيطان ولا جيران ولا جدران ولا شِي
الكل تهجّر يامّا استشهد .. يَمّا مِشي

والله هالشي ما صار
في المعمورة .. والأمصار!
إلا في سوريا ماشي
هالشي ماشي مع المواشي....
ماشي للتلاشي
مع الجيران والأعداء والحواشي
خرّبوا البلدان كرمال نووي إيران
حاشي حاشي يا حشاشي
يا مافياواشي
يا أسداشي شيشي
يا حسنواشي شيشي
طلع منّك كل هالشي
ومنسأل شو في .. ما في .. ؟!

بَعد الأسد والشبيحة مين دخَل عالخطّ ؟
غير البراميل , وحزب الله وسلاح روسيا ودعم العرب والغرب والعجم وداعش " ؟
وبيقولوا ما في شي بس شوية طواشي
وحرب أهلية على المواشي والسواقي والفراشي
جايه الداعش والماعش ماشي ماشي وجارِر وراه المواشي
وقطاعي الروس للتمثيل في هوليود وقدامهم صهاينة اليهود
وأنابيب الحواشي
والطنابر عالمنابر
وما بتقول للشعب شو في ما في ..؟


وين صار الرَبع , في شي والآّ راح كل شي
من كعكة سورية بقي شي ؟
الاّبار والحشائش عالمياه عطشانة
عالبترول والقطران .. عالأرض هفتانة
من كعكة سورية بقي شي ؟!
والاّ لوشّوا وهلطوا كل شي وما تركوا شي , لا سوشي ولا طورشي
ما تركوا للعراق أثار ولا أبار ولا تمر,, ومن سوريا الكنائس والأديرة والمساجد والجوامع والقلاع والأسواق ...
فرغوها باعوها وعنابر القمح و البترول جيّروها بالبلاش .. عالماشي .
لا قلاع ولا أسوار ولا أسرار بابل وأشوروالكلدان وعكركوف عاصمة الكاشي
والبصرة وأور من زمان سوّروها ونبشوها والزقورة سرقوها وعلى متاحفهم ودّوها - - بَح ......!

انشاالله شبعت أميركا وجوقتها
بِدنا يشبعوا ما يتقاتلوا ويتناتفوا على الحصص في سوريا وبترول ومياه العراق - وتهجير السكان والرهبان والرقص على جثث الشرطة والباعة و العمال والنساء والأطفال !

شو هالقصة مع الحالوش والمالوش شو ما بدكم تحلّوا عن ظهر الثورات عملتوا بحارنا قواعد وأساطيل , ما تركتوا مسابح للناس ولا للصيادين أحواض ولا أسماك ؟؟
يعني هيك هلطوها عالسكت والاّ بالخناق وشد الشعر وشد الأذناب !!!؟
خبرونا وين صرتوا يا " هاجوج وماجوج " ,
بدكم تصيّفوا على سواحل بحارنا
يعني صار لكم رجِل !
.. تبقوا خبرونا شو سرقتوا وشو خططتوا وكيف تحاصصتوا
والا طلعتوا بكل شي وما بقي لنا أي شي
احكولنا شو في ما في .. شعبنا بدّو يعرف كلشي ..!؟ .................. 26 - 2 - 20

#مريم_نجمه (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل