للأخ المسافر.. إليهم جمعاء

مختار سعد شحاته

الحوار المتمدن-العدد: 4636 - 2014 / 11 / 17 - 23:36
المحور: الادب والفن
    

رابط على رجله حلم صغير، وف رجله التانية عكاز م المعدن،
وبعيد منه قريب جدا بنوته بتضحك ومعاها صحابها
بتقول كان ممكن يربطني ف حلمه أو يتعكز على كتفي
ولو يوم زعلني ممكن أرسم وش بيضحك وأتخبى ف رسمي
الشنطة بعجلاتها كانت مش عايزة تسافر لكن مضطرة
من إمتى شنطنا اللي تسافر كان ليها خيار تستنى؟!
رخام الصالة كان أملس من كتر ما سافر ناس من فوقه وجروا شنطهم
البنت انشغلت ف التليفون مع إن الوضع ساعتها كان صامت مخنوق بالبوح
حاول يحضنها ويسيب الطفل أمانة لكن منفعشي
كان لازم يبعد ويسلم باسبوره لظابط جوازات الغربة
مع إنه ف يوم محلمش يسيبها قدام الصالة ولا فكر يبعد
لكن كان حتما هيسافر
علشان مش حمل يجرح تاني في جمال اللوحة اللي بترسمها عشانه
ومع إن اللوحة مكنشي ف تفاصيل قماشتها صورة عكازه وطفله
لكن كان ممكن تتعاد الرسمة عشانه وتكون مرتاحة بتفاصيل أضيق
دلوقت هتفضل كل أما تشوف الخط الأبيض اللي بيجري ورا طياره وميحصلشي مطارها
هتفضل فاكرة تفاصيلهم ولا ترسمهاش
علشان الصورة دايما ناقصة لتفصيلة محلمهاش

مختار سعد شحاته
Bo Mima
روائي
مصر/ الإسكندرية

#مختار_سعد_شحاته (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل