القاهره الخانقه لعنه من السما

جورج المصري

الحوار المتمدن-العدد: 1300 - 2005 / 8 / 28 - 06:17
المحور: اليسار ,الديمقراطية, العلمانية والتمدن في العراق
    

تخيلوا معي منظر القاهره من نافذه طائره تحلق علي ارتفاع 500 متر فوق القاهره. العديد منكم لم تتح لهم الفرصه لرؤيه القاهره العظمي من الجو ساعه الظهيره في احد ايام الاسبوع العاديه .

مهما تخيلتم فلن تتخيلوا منظر الهواء الملوث باللون الاصفر الداكن المصحوب ببعض السحب السوداء من عوادم المصانع و السيارات . لن تتخيلوا مدي قذاره اسطح العمارات في كل مكان بما فيها المناطق الغنيه تجد المهملات من عفش مكسر الي عشش فراخ مهجوره الي عشش يعيش فيها البشر الي بقايا هدم من مباني مبيه بعيدا عن الرقابه او مخلفات سمح بها الحلوح المدفوع لمفتشين البلديه الي ترع مسدوده الي اراضي زراعيه مجرفه الي قصور مبنيه في وسط الصحراء بها من حمامات السباحه ما يضارع اكبر حمامات السباحه في الانديه الرياضيه من اسطبلات للخيول العربيه التي قد يصل اثمانها الي ملايين الدولارات الي اطباق صناعيه فوقها وكأنك تطير فوق وكاله ناسا للفضاء الي فسقيات المياه في وسط الصحراء المبنيه من الرخام الابيض الخالص الي مدافن السيده عائشه و الاحياء فيها اكثر من الاموات الي تلال القمامه في جبل المقطم واطفال حفاه وعراه يمرحون فيها ليس للعب بل للبحث عن لقمه العيش وبعدها في وسط صحراء مدينه نصر تجد مره اخري عمارات ليس لها اخر مبنيه في الصحراء دون تخطيط ودون تمييز وكل شئ لونه رصاصي او اصفر كالح وفجاءه تطير فوق حدائق غناء قبل ان تصل الي مصر الجديده وبالذات بعد تقاطع شارع الثوره مع شارع العروبه غرب شارع الميرغني تجد الحدائق الغناء و المئات من الحرس و المتاريس حول منزل سياده الرئيس اطال الله عمره الي ان يعاد انتخابه مره اخري ديموقراطيا اي و الله ديموقراطيا .
نهايته صوره كئيبه ملهاش نهايه تناقضات غير عاديه ناس عايشه في عشش بتموت من الجوع وناس عايشه في قصور علي قفا الشعب بتلعب أسكواش وبترشح نفسها لفتره رئاسه مدي الحياه . اطفال بتموت من الفقر و المرض وناس بتموت بحسرتها من الحاجه وعالم بتييع بناتها للسياح العرب تحت اسم نكاح المتعه وناس عايشه في عالم تاني ووادي فسيح من الاحلام وناس بتتعلاج من الزكام في المانيا وغلابه واقفين علي الرصيف قدام مستشفي ابو الريش للاطفال .أطفال محتاجه جراحات في المخ واطفال عندها سرطان من تلوث المبيدات الممنوعه اللي بيستوردها الخونه شله المعلم ومفيش دم ولااحساس مفيش مرؤه مفيش نخوه .
لوصرفت حكومه مصر نصف فلوس الحج علي البلد مش كانت الناس ممدتش ايديها محتاجه والعالم الغلابه مابعتش اعراضها!!!
نصف مصاريف الحج نصف بليون دولار اي 500 مليون دولار اي 3000 مليون جنيه مصري في سنه واحده ... ياسيدي سنه واحده نصف عدد الحجاج تفوق البلد من الهم اللي راكب علي مراوح اهلها وياسيدي كل من تبرع بمصاريف الحج لمستشفي ابو الريش او مستشفي السرطان للاطفال انا متأكد ان خطاياه وخطايا عائلته اللي ماتوا واللي حيموتوا من بعده حيتغفر . ولو كانت المرؤه عندكم ذياده شويه بالنصف التاني ابنوا شقق للغلابه الشباب اللي داير علي حل شعره مش عارف يتجوز وعايش عيشه الكلاب وتفوق البلد وتنتعش وياسيدي اللي مايلحق الحج السنه دي لو مكتوبه له يروح السنه اللي بعدها. كفايه خيبه وتفكير ضيق وفكروا مره واحده في مصر مش انا و بس ومابعدي الطوفان . من فوق قاهره اولادها تصرخ مصر وتقول ارحموني من الظلم ياولادي وكفايه لغايه لامتي حتعيشوا تستغلوني اسؤ استغلال خلاص مبقاش فيا .

#جورج_المصري (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل