تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

ثوار_وثورة !!

شهد أحمد الرفاعى

الحوار المتمدن-العدد: 4542 - 2014 / 8 / 13 - 09:06
المحور: الثورات والانتفاضات الجماهيرية

ثوار_وثورة !!

الثوار ليه زعلانين مع انها مش ثورة !!
طيب اللى مش ثوار ليه برضه زعلانين مع انهم مش ثوار !!
و اللى مفرومين فى النص ليه برضه زعلانين مع انهم مش دول و لا دولكهوما !!
و انت ليه بتعمل لايك على كل شتيمة و انت مش فارقة معاك كل الليلة الزرقا دى !!

و انا تاعبة نفسى ليه و متعصبة ع الصبح !!
علشان تعبنا نقول دى مش ثورة يا ناس دى انتفاضة جمال !!
ناس صبرت و فاض بيها خرجت تصرخ و تقول كفاية ظلم لكل ظالم !!
و رجعت بيوتها بعد المغرب !!

لكن كان فى ديابة قاعدين و لابدين فى الميدان بين الشجر و ع النواصى بيفركوا ف الكام شعرة اللى بدقونهم مستنيين الاشارة من كبيرهم !!

و كام واحد برضه حافظ و مش فاهم مشى ورا كذبة ابريل و هم قبضوا و هو مات شهيد التضليل !!

و شوية شباب نفسه يبطل ياخد مصروف من ابوه و هو عدا التلاتين و كام واحد تعب من العزوبية و نفسه يمارس الحلال !!

و كام امورة تعبانة من حياتها و قرفانة من عيشتها خرجت تفش غلبها و تعمل اسقاط ع البلد و اللى فيها !!

و كتير بقى من ولاد و اطفال الشوارع و الكبارى لقوا فيها الحمى و المم و سبوبة و تخليص حق من الدنيا و المجتمع و ناس طاردينهم من الدنيا من غير ذنب !!

كل دول ليهم حق الاعتراض و الثورة و نطق كلمة (( آآآآآآآآآآآآه )) !!
لكن الخونة يمتنعون !!
عارفين مين الخونة ؟؟
اللى كل شوية بوش شكل و قناع يدوب .. يدوروا على قناع يلمعهم اكتر من اللى قبله !!
اللى فى يوم و ليلة كانوا بشبشب بوصباع و لبسوا الجلد الطبيعى و جلد النعام !!
اللى ركبوا عربيات ماركات بعد شعبطة الاتوبيسات !!
اللى عملوها فى البلد و كانت سبوبة مش ثورة !!

اللى كان بيدور على كرسى فى الليلة دى يقعد عليه !!
او حتى كرسى فى البرلمان !!

حاجات كتيير و ناس كتير لعبت دور السمسار و لسه بتلعبه بس بوشوش مختلفة !!
بس ربك يمهل و لا يهمل !!

و اللى مش مصدق يبص لمبارك بعد العز و الجاه و يبص لمرسى بعد ما اتخلع عنه التاج !!

و هى دايرة و كل واحد بيدور فيها بس من كتر الدوران الدوخة واخداه و مش حاسس انه حياخد مكان اللى قبله و السجان يبقى سجين و آهى الايام دول و رجال !!

فى النهاية #انتبهوا لمصر علشان الارض هى الباقية منها خلقتم و عليها عشتم و فيها تلحدون و فى قول اخر تدفنون !!

و عفوا المقال عفوى و بعيد عن اى قواعد للكتابة علشان اللى مش فاهم يفهم !!

و عفوا ان اغضبتكم !!
و لكن هذا قولى .. و استغفر الله لى و لكم !!

بقلم / نجوى عبد البر

#شهد_أحمد_الرفاعى (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل