** إتصالات هاتفية (2) مع خليفة الدولة الاسلامية **

سرسبيندار السندي

الحوار المتمدن-العدد: 4539 - 2014 / 8 / 10 - 19:23
المحور: كتابات ساخرة
    

ألو ، مولنا البغدادي

نعم

مولانا صار لي ساعتين على الخط

إبني لازم الجماعة تتأكد من مصدر المكالمة لاتكون مدسوسة ، أنت حضرتك مو خابرتني قبل ؟

نعم مولانا وتاج رأسنا

تفضل أمرك ؟

لايأمر عليك ظالم واحد

مولانا عندي صديق إيزيدي وعائلتة مسبية بدولتكم المحترمة وأريد أفديها بمال ؟

لا لا هذا مستحيل ، هذولة عباد شياطين

مولانا كيف عباد شياطين واحدهم مايكدر يقتل بزونة ( قطة) وكيف عباد شياطين أشهر أسماءهم خدر لو خديدا يعني بالعربي عطية ألله ، كيف عباد شياطين وهمه ناس مساكين مثل المسيح وطيبين ، أسألتي وألله أني جربتهم ؟

معقولة ؟

نعم مولانا معقولة ، ليش مو معقولة

إني راح أسال مجلس شورى المجاهدين ؟

والضحايا ؟

لو أصبنا لنا أجرين ، ولو أخطئنا لما أجر ؟

معقولة ؟

معقولة ونص ، هذا حديث مو ركي لو بطيخ ؟

مولانا شنوا هالاخبار الغير سارة ، شنوا كلبوا عليكم الأمريكان لو هذا تكتيك ، مولانا أنتوا شوداكم الكردستان ، والله كل شائعات الشيعة تكول أنتوا وياهم حبايب ، شنوا الجديد الصار ؟

غلطة ، كلنا نأخذ جم بير نفط زيادة ، تدري مصاريف المجاهدين ؟

بس مولانا يرحم أبوك ، كلنا زمار بيها بير نفط ، وبالسد ماي وكهرباء ، بس مو سنجار وأنت تقول هى وكر الشياطين ، علينا ؟
أنت تقول عنهم عباد شياطين ، هسه أنت هججت كل الشياطين ، هاي شيطانهم الأكبر أمريكا زعل عليكم بعد شراح يخلصكم منهم ؟

راح ننطيلة حصة من الغنائم وأمرنا لله ؟

هذا ما يرضى بالمال بعد مولانا ، تعود مثلكم عالدم الأحمر ، يعني صار دراكولا ؟

بس إحنا قرابينا لله ؟

أدري مولانا أدري أتعلمني بدينا ، بس هم قرابينهم لله ؟

يعني إحنا وهمه نعبد ألله ..... ألله أكبر ؟

مولانا أكبر مالتنا مو مالتهم ، مالتنا شعاره الهلال ، ومالتهم شعاره الصليب ؟

تمام تمام كلامك صحيح يافهيم ، شفت شلون نزلنا صلبانهم وكسرناها وطردنا جماعتهم ؟

بس مولانا همة هم راح يطردون جماعتا بأمريكا وأوربا بطرك الجينز ويصادرون ممتلكاتهم ويفجرون جوامعنا ويكسرون هلانا ، ويقولون العين بالعين والسن بالسن والبادي أظلم ، مو هذا الشرع والدين ، وإحنا مو كدهم مولانا ، بقنبلة وحدة راح يشوفونا هيروشيما وناكازاكي

لاتخاف مايكدرون ، عدهم منظمات حقوق أنسان ماتقبل ؟

بس مولانا لو طلعنا واحد مثل هتلر، راح يسوي بينا مثل ما سوى باليهود وأزيد ، أنت سامع باليمين المتطرف وأفكارا ، وألله هذولة العن منكم ، تعلموا الذبح مثلكم وبلا قبلة ؟

سامع باليسار بس مو باليمين ؟

أنت سمعت شلون جماعتنا بالوا على أروحهم من صارت سبتمبر 11، بس هم زين طلع بوش إبن أوادم وماقبل أحد يتعدى عليهم وطلع شريفين ومال هذولة مواطنين ، بس أخذوا ثأرهم من العراق وأفغانستان وتونس وسوريا وليبيا واليمن ولبنان ، وألله مو ناسين السعودية وإيران ؟

لا لا السعودية وإيران من حصتنا لعد ليش سمونا دواعش ، لازم مقر الخلافة بمة فوق قبر الرسول ، وعون ألله ما راح نخلي دولة عربية مانغزوها بس شوية صبرك ، مع السلامة مع السلامة القصف وصلنا ؟

ألو ألو ألو ، خلي نروح لأ يجينا أحنا هم القصف ؟


سرسبيندار السندي
Aug / 8 / 2014

#سرسبيندار_السندي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل