من أوراق المحرقة - 4 - حواران عن المادة 140

ماجد الحيدر
شاعر وقاص ومترجم
(Majid Alhydar)

الحوار المتمدن-العدد: 4495 - 2014 / 6 / 27 - 23:38
المحور: كتابات ساخرة
    

ماجد الحيدر
من أوراق المحرقة - 4 - حواران عن المادة 140

قبل حزيران 2014
الكردي: يابه مو شلعتو گلبنه‌. تعالوا نطبق المادة 140 ونخلص من مشكلة المناطق المتنازع عليها.
الحكومة: شلون يعني؟
الكردي: شنو شلون يعني؟ يتم أولا تطبيع الأوضاع في هذه المناطق عبر إعادة المهجرين منها وإليها الى أماكن سكناهم الأصلية وتعويضهم مادياً ثم يجري إحصاء سكاني وأخيرا استفتاء لتحديد إرادة مواطنيها.
الحكومة: هاي منين جبت هذا الحچي؟
الكردي: شنو منين جبته؟ من الدستور.
الحكومة: يا دستور؟
الكردي: دستور جمهورية العراق.
الحكومة: وشيگول دستور جمهورية العراق؟
الكردي: المادة 140 من الدستور تگول (اولاً :ـ تتولى السلطة التنفيذية اتخاذ الخطوات اللازمة لاستكمال تنفيذ متطلبات المادة (58) من قانون ادارة الدولة العراقية للمرحلة الانتقالية، بكل فقراتها. ثانياً :ـ المسؤولية الملقاة على السلطة التنفيذية في الحكومة الانتقالية، والمنصوص عليها في المادة (58) من قانون ادارة الدولة العراقية للمرحلة الانتقالية، تمتد وتستمر الى السلطة التنفيذية المنتخبة بموجب هذا الدستور، على أن تنجز كاملةً (التطبيع، الاحصاء، وتنتهي باستفتاء في كركوك والمناطق الاخرى المتنازع عليها، لتحديد ارادة مواطنيها) في مدةٍ أقصاها الحادي والثلاثون من شهر كانون الاول سنة الفين وسبعة.)
الحكومة: كاكا إنته إشگد غشيم! إقره زين: مكتوب في مدة أقصاها نهاية 2007.
الكردي: شنو يعني؟
الحكومة: يعني المده‌ انتهت. روح، ولّي قشمرناكم. شتريد تسوّي سوّي. أضرب راسك بالحايط!
الكردي: والدستور؟
الحكومة: الدستور؟ نگعه واشرب مايه!

بعد حزيران 2014

الحكومة: كاكه دخيل حظك هاي اشسويت؟ صحيح الجيش انسحب بس ما يصير انته تدخل هذي المناطق. المفروض تتركها لداعش حتى تحتلها وبعدين إحنه نهجمها على روسهم وبعدين نگعد حتى ننفذ الماده‌ 140 بعد عمر طويل.
الكردي: أغاتي إحنه هم ما سوينه شي. انتظرناك 10 سنوات حتى تنفذ المادة 140 وانته تغلس. وهسّه إجه الوكت حته‌ نختصر عليك الدرب وننفذ المادة بإيدنه.
الحكومة: بس هذا تعدي. هذا خرق للدستور.
الكردي: يا دستور؟
الحكومة: دستور جمهورية العراق.
الكردي: الدستور؟ نگعه واشرب مايه!
الحكومة: لا يا خونه يا عملاء. خلي توصل F16 ونحرر الموصل وتكريت والرمادي والقائم والرطبة والفلوجة واحنه نراويكم!

#ماجد_الحيدر (هاشتاغ)       Majid_Alhydar#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل