قصيدة ( بنعيب ع الدنيا )

مينا امين

الحوار المتمدن-العدد: 4475 - 2014 / 6 / 7 - 13:10
المحور: الادب والفن
    

بنعيب ع الدنيا والدنيا مافيها عيب الا احنا !
مره بنشتكى من زحمه او وقفه فى قلب طابور
خنقة طريق فى مرور اوحتى تمن اللحمه !!
بنعيب ع الدنيا والحاجه الحلوه مبنشوفهاش
بنعيب ع الدنيا والغالى فى حياتنا نبيعه بلاش
ولو عشت فى وقت ذكرى حلوه بتنكرها وترجع تقول معشتهاش
مابتتحسبش ابدا كده وماتنفعش بالشكل ده
هى الدنيا مطلوب منها انها تخدم معاليك !
هى الدنيا مطلوب منها انها توفر كل حاجه ليك
قبل ماتطلب منها اديها
فكر جرب عافر فيها
ولو موصلتش يوم لطريق اعمل مره الخير فيها
بس هتوصل وعد ده منى او اعتبره بجد نصيحه
ربنا فاتح بابه يوماتى ومش مستنى حتى ذبيحه
مستنى بس انك تروحله وتفضفضله بحاجات تحكيها
مستنى بس لو حاجه تعباك او خنقاك انك تجرى اوام تشكيها
ووعد منى مهما كانت مشكلتك ربنا قادر يحلها ويدخل فيها

#مينا_امين (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات