قصيدة احنا الناس البسيطه !!

مينا امين

الحوار المتمدن-العدد: 4357 - 2014 / 2 / 6 - 13:18
المحور: الادب والفن
    

احنا الناس البسيطه قالوا علينا فى غفله طيشه
لابنفهم ولانعرف حاجه ولا ذكائنا بتقل ريشه !
قولنا ماشى مش هتسمعولنا بعد اليوم ده تانى كلام
هنتفرج عليك من بعيد يابطل زمانك يافارس الميدان
ورينا هتعمل ايه ?
خلينا نتفرج لاهنضايقك ولاهنعطلك ولاحتى لحظه هنهرج
هنتفرج واحنا ساكتين مطرطقين وداننا وادينا سامعين
وفى لحظة السكوت .... طلعلك اخيرا صوت !
بيقول عيش حريه عداله اجتماعيه !!
الله عليك ياصاحبى
بتنادى بالحريه!
برافو برافو احنا معاك بالروح والدم احنا فداك
مين ميحبش الحريه
طب فين الحريه !!
انت شايفها ....لا مش شايفها !
انت حاسسها لا مش حاسسها !
اذا كنت انت فى يوم نادتها ومش شايفها ولا حاسس بيها
عايزنى انا اعيشها واتنعم واتمرمغ فيها !!
هى فين الحريه ؟ مجتش الحريه
لسه عندك كلام هتقوله ليا؟
لا اسمعنى بقى شويه
الحريه غابت لما انت هربت وسبت الميدان
دخلتنا فى حياه صعبه
وريتنا ناس
اكبر فعل عندها كان الكلام !!
مش قولت عليا فى يوم بسيط
مش عليا فى يوم عبيط !
ايوه احنا الناس البسيطه
الناس اللى وقفت وقالت كفايه
لاهدور على مصالح او مين معايا او مش معايا
هندور على وطن غلبان قسمتوا فيه المكاسب والمزايا
كنا زمان فى التاريخ بيضرب بينا المثل كنا اية
دلوقتى احنا ايه ?
دلوقتى احنا ايه ?
سيبونا نلملم فى جراح الوطن
سيبونا نحاول نلحق الزمن
خلونا نعيش فى امان
سيبكم شويه من الكلام
والعيش والحريه والعداله الاجتماعيه
هييجوا بس بأفعالنا فى المرحله اللى جايه !

#مينا_امين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل