مبررات فشل !!

مينا امين

الحوار المتمدن-العدد: 4364 - 2014 / 2 / 13 - 15:16
المحور: كتابات ساخرة
    

شئ مثير للسخريه والاشمئزاز لما نتحول من ناس بتحاول تبني نفسها وتحقق ذاتها لناس كل املها تلاقى مبررات لفشلها
فى فرق بين انك بتحاول تنجح بجد وبين انك بتحاول تلاقى مبرر لفشلك فى امر معين
يعنى مثلا :

لما تبقى المفروض انك تعمل حاجه واثناء مانت بتعملها تتمنى ان حاجه تعطلها ومتكملش تبقى بتدور على مبررات فشل
لما ماتعملش اللى عليك مظبوط تبقى مش بتحاول تعمله انت بتدور على مبرر انك متعملوش
لما تسمع بس لقصص فشل وحكايات ناس فاشله تبقى مش بتحاول تأخد عبره او تتعلم لا انت بتدور على مبرر لفشلك
لما تعمل الخطوه مش بقلب وضمير تبقى مش ناوى تعملها انت بس بتدور على مبررات فشل
لما تطلع لكل حاجه سبب من خيالك عشان متعملهاش تبقى مش بتدور على المنطق او بتحسبها لا انت بس بتحاول تقول ليه مش هتعملها
لما تكبر كل حاجه وتعمل مشكله من مفيش تبقى بتدور على مبرر تقوله ليه مش هتعمل
وكتير وكتير من مبررات الفشل اللى مبتخلصش
والسؤال ايه اخرة مبررات الفشل؟
بالتأكيد فشل لان بالظبط عامل زى اللى ناوى يفشل وعايز يفشل بس عايز يريح نفسه ويقنع الناس بسبب وخلاص
سؤال تانى برده وايه اخرة الفشل؟
ضياع الحياه وضياع عمرك وضياعك انت بالكامل لان فى فرق بين الفشل فى حاجه معينه ونتعلم منه ونحاول نقوم تانى وبين اننا نختار الفشل طريق

طيب والحل
الحل اننا بدل ما ندور على مبررات فشل نتعامل بمبادئ وضمير وبصدق مع نفسنا ونحاول نوجد طرق نجاح ونوفر طاقتنا وتفكيرنا فى تحضير فكرة نجاح بدلا من تحضير
مبررات فشل

#مينا_امين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل