قصيدة (فاكر نفسك )

مينا امين

الحوار المتمدن-العدد: 4457 - 2014 / 5 / 19 - 15:17
المحور: الادب والفن
    

فاكر نفسك وانت صغير وبتتمنى الوقت يجري
الكل شايفك مستعجل وبيقولك ده لسه بدرى
فاكر لما كنت صغير ونفسك مره واحده تكبر
بتكبر نفسك سنه واتنين ونفسك تبان للناس اكبر
فاكر لما كان طموحك تبص لروحك فى المرايا
تلاقى بس زيادة فى طولك او فى عرضك تعمل حكايه
تجرى مره واحده تصرخ والفرحه تكون مش سايعاك
بتدور على اهلك واصحابك وع اللى هنا واللى هناك
عشان تقول كلمه واحده:
انا كبرت
انا قد المسئولية
لو مش مصداقينى جربونى
لو غلطت العيب عليا
وفعلا عدت الايام والبعيد اهو جه وقرب
جه الوقت عشان تعافر عشان تحاول عشان تجرب
ولما جربت مكنتش قد المسئولية
فيه فى حساباتك حاجه ناقصة فيه مغالطة
لو فاكر الكبير كبير بسنه دى اكبر غلطة
الكبير كبير بعقلة وبتفكيره وبكلامه
مهما موج الشر قرب ميقربش من سلامه
هو عارف عايز ايه ؟
هو هيعمل اللى نفسه فيه
لو نفسك تبقى زيه
حب نفسك
حب الغير
اعمل كل حاجه خير
عيشها بصبر وبضمير
وقتها بس هتبقى كبير .

#مينا_امين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل