يا..كمر

طالب الجليلي
(Talib Al Jalely)

الحوار المتمدن-العدد: 4448 - 2014 / 5 / 9 - 19:58
المحور: الادب والفن
    

يا ..كمر

وتنطرك مثل الكمر
 هلبت تهل ابليل
لو تدري بعضاي القهر
شد اوسحكهن حيل
لا الله يهديك اوتجي
اولا روحي تسمع حجي
سجه اوهجرها الريل
،،،،،،،،
لاوين بمدلل ولك
مو عمري بفراكك هلك
موش اعلا بخت الوكت
جابوك اوبلوني هلك
تيهت مني الدرب
شفت ابغرامك كل عجب
وانهدم مني الحيل..

عمري كضيته ابقهر
وبحلم  وبحسرات
ياما رسمت اليجي
واتواجه  ابعثرات
اخر محطه امن العمر
لن كلبي بكليبك عثر
عثرة حمامه ابتيل

ضحكتلي حتى الشمس
والكمر وانجومه
ركصت عصافير الفرح
والفرح فز من نومه
يفلانه عشكج نده
كلبي.. بس عقلي شده
مو عشك .. عشكج سيل!!

جنت احسب اسنين العمر
طراده  معطوبه
لا عبرت الذاك الجرف
لا هيه مسلوبه
غفله اولكيت الكمر
إمسلهم اجفونه السهر
ينثر محبه اوهيل

9 نيسان 2014


 







 

#طالب_الجليلي (هاشتاغ)       Talib_Al_Jalely#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل