هديب هايكو
الحوار المتمدن-العدد: 4429 - 2014 / 4 / 19 - 20:13
المحور:
الادب والفن
وكأنها نذر تبشر أهل "بابل" بالحريق
من أي غاب جاء هذا الليل؟ من أي الكهوف
من أي وجر للذئاب؟ (المومس العمياء - بدر شاكر السياب)
*** *** ***
چيچان بصرة (حي الحسين)- لاهاي:
طويلة هواي يا خويا المسافات
وأنا مسافر غريب بغير جنطه
أنا الضايع أدوّر بين المحطات
ولا خلٍ لكيت بكل محطه
جوازي تضوج من عندا السفارات.
چيچان خاطب رئيس الحكومة العراقية المالكي:
سامحني، إذا أنا غلطت وياك، موش انته الچبير اليغفير الغلطه، واذا انا كفرت شتمت سلطه هاذ سلطه ذاك، كل الناس من تنضام ترجع تشتم السلطه، وإذا عدكم السلطه ملك الكون، عند أبو الحسنين تسوى من العنز عفطه، وإذا دم الحسين يساوي ملك الري ترى المختار ربك عالطغى يسلطه، چم حاكم گبلك حكمنه بالحديد ونار، من حمورابي حتى آخر رئيس بقلمك تشخطه، تمثال أسد بابل راح، والثور المجنح طار، ولا تمثال ظل بالذاكرة الرطبه، شلتك بالگلب من طلعت يا عراق، لأن فرگاك بلوى وعشرتك ورطه، خلينه بالحاضر والماضي خلا يروح، عزرائيل چان مخيم بوسطه، شحچيلك بعد من ضيم با أبو إسراء مو بالگطنة گامت تذبح البطه، جزاك الله خير بصولة الفرسان جبتلنه الأمان ونجحت الخطه، اعتذرلك إذا چنت علي زعلان، وأگف گدام كل الناس راسي لك وطه، وإذا يرضى علي المالكي ويگول ماكو شي، من باچر أجيك الفرح متأبطه!.
#هديب_هايكو (هاشتاغ)
كيف تدعم-ين الحوار المتمدن واليسار والعلمانية
على الانترنت؟