آلو .. مظاهرة 2

أحمد زحام

الحوار المتمدن-العدد: 4293 - 2013 / 12 / 2 - 00:01
المحور: الادب والفن
    

آلو مظاهرة 2

المشهد الثاني
( رجل وامرأة وطفل ) .. ( هتاف متداخل )
الطفل : تسقط ناظرة المدرسة الظالمة
المرأة : يسقط زوجي الرجعي
الرجل : يسقط المدير العام
( يسيرون في كل أرجاء المسرح .. يتجمعون في وسط المسرح )
الرجل : مش ها ينفع نهتف مع بعض ( يتحرك في اتجاه )
المرأة : عشان كل واحد فينا له هتاف ( تتحرك في اتجاه آخر )
الطفل : ( يقف في مكانه ) ما فيش حد سامعني
الرجل : خلاص كل واحد يهتف وبعد ما يخلص اللي بعده يهتف .. في الحالة دي كل واحد يسمع التاني ( ينظر إليهم ) موافقين
المرأة والطفل : موافقين
الرجل : ياله مين اللي هايبدأ ؟
الطفل : ابدأوا انتو
المرأة : ( تهتف وحدها .. بطول وعرض المسرح ) يسقط .. يسقط زوجي المستبد
الرجل : ( يأتي دوره .. فيفعل ما فعلت ) يسقط .. يسقط المدير العام
الطفل : تسقط .. تسقط ناظرة المدرسة الظالمة
( يلتقون في منتصف المسرح .. ينظرون في وجوه بعضهم البعض .. والدهشة تملأ وجوههم )
الطفل : أنا زهقت
الرجل : ( يتحرك حولها ) وأنا زهقت .. أنا حاسس إني بكلم نفسي
المرأة : وأنا كمان .. الحل إيه ؟
الطفل : أنا عندي الحل
( يقتربان منها )
المرأة والرجل : قوليلنا عليه
الطفل : كل واحد يمشي شوية ويهتف ، والباقيين يردوا عليه
المرأة والرجل : فكرة معقولة
( يبدأون فيما اتفقوا عليه )
الرجل : أنا اللي ها بدأ
المرأة والطفل : ( في صوت واحد ) ابدأ
الرجل : ( والمرأة والطفل يمشيان وراءه ) يسقط .. يسقط المدير العام
المرأة والطفل : يسقط .. يسقط المدير العام
( يتبادلون الأدوار )
المرأة : يسقط .. يسقط زوجي الرجعي
الطفل والرجل : يسقط .. يسقط زوجي الرجعي
الطفل : تسقط .. تسقط ناظرة المدرسة الظالمة .
الرجل والمرأة : تسقط .. تسقط ناظرة المدرسة الظالمة
( يعاودون الكرة )
( يهتف الرجل والمرأة والطفل لا يهتف )
الطفل : يقف ولا يتحرك .. أنا مش هاهتف معاكوا .. انا عايزة اهتف اللي انا عايزاه
( يدخل رجل يرتدي زيا شرطيا )
الشرطي : حيلك .. حيلك انت وهو .. فين تصريح المظاهرة ؟
( كل واحد منهما يتقدم نحوه .. ويعطه التصريح الخاص بالمظاهرة )
الشرطي : المظاهرة أخبارها إيه ؟
الطفل : انتو جايبنا هنا نتظاهر في المكان الفاضي ده .. لاحس ولا صوت .. أنا
عايزة اتظاهر قدام مدرستي .. عشان يعرفوا انا بتظاهر ليه .. وعشان
الناظرة تسمعني .
الرجل : وانا عايز اتظاهر في مكان شغلي .. مش في الصحرا دي اللي انتوا راميينا
فيها .
المرأة : فين جوزي ؟ عشان أهتف في وشه .. أنا ما بخافش
الشرطي : يعني انتوا مش موافقين ؟
الرجل والمرأة والطفل : أيوه احنا مش موافقين
الشرطي : يبقى ها سحب منكم الترخيص
الرجل والمرأة والطفل : ( في صوت واحد ) اسحبه ( يلقون بالتصاريح في الهواء
.. يخرجون من المسرح كل في اتجاه ) احنا هانروح نتظاهر في المكان اللي
احنا عايزينه .
( اظلام .. وتظهر بقعتي الضوء على طرفي المسرح حيث يظهر رجلي المشهد الأول ) ......................... يتبع

#أحمد_زحام (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل