مين قال ما ينفعش مع الجدع المصري؟

محمد جلو

الحوار المتمدن-العدد: 4237 - 2013 / 10 / 6 - 09:56
المحور: الادارة و الاقتصاد
    

أنا شفت بعينيا الجدع المصري
لما كان بيشتغل في العراق
ده كان بيحرك جبال
لو عاوز
---

كل اللي على الدولة المصرية تعملو
هو أنُّو تسيب الجدع المصري البطل ده
يعمل و يشتغل لحالو
بلا تحديدات
و لا تنظيم
و لا تعقيدات
و لا تخطيط مركزي
و لا كلام فارغ
---

و الله العظيم
كل الكلام الفارغ ده حتلقاهم بيطبقوه على المصريين الشرفاء بس
و ما يطبقهوش على اللي يدفع ليهم كام جنيه
---

تخيل
لو ما كانشي للدولة أي تحديدات على خلق الله
و ما فيهش تخطيط مركزي
حتلقى الموظف الفاسد المرتشي
ما عندهوش أي حاجة يبيعها للناس
---

و بعد كام سنة
يتعلم الموظف و المواطن على الشرف
لأنه ما فيش تحديدات علشان يلعبو فيها
و الذمم حتبقى صافية زي العسل
---

حرية العمل بدون تقييدات و لا تحديدات
هو بالضبط اللي عملوه في الصين
---

و أهو
شفتم بعينكم حصل إيه؟
شفتم الصين وصلت فين دلوقتي؟
---

و أنا بعد ما شفت جدعان النيل بيشتغلو في العراق
أنا متأكد أن مصر حتبقى زي الصين
و حبة زيادة كمان
---

بس يا رب
بس لو تحل الدولة من رقاب القطاع الخاص
و تخلي الجدع المصري يشغل الجدعان المصريين
ما فيش داعي الدولة تسيطر على الصغيرة و الكبيرة
---

و كمان
ما فيش داعي الدولة تشيل هم العامل
و تحارب صاحب العمل
---

العامل المصري مش محتاج لقوانين و تحديدات بتوع الدولة، علشان تحميه
الجدع المصري ما يتخافش عليه
هو حيدبر نفسه مع صاحب العمل
---

ثم
التقييدات ديه حتحميه من إيه؟
لو كان عاطل يا أخي؟
---

و النبي
و اللي نبا النبي
مش حا تلقى مصري واحد حيشتغل بالعافية غصبا عنو، في شغلة مش عاوز يشتغلها
كلو حا يكون بالذوق
و ما فيش أي شغل عافية
---

الله؟
لو الجدع موش عاجبو الشغل، حايسيبو
و يروح على شغل تاني
بس ما فيش داعي الدولة تعرقل كل شيء
و قال إيه؟ الدولة عاوزه تحمي العامل من جشع صاحب العمل
---

و كل اللي بيعملوه بتوع الدولة
هو أنو يخوفو اللي عاوز يستثمر
و تلقى مفيش حد يفتح شغل
ولا يوسع مزرعة
ولا يستورد مكاين
ولا يبني معمل
---

و تلقى مفيش حد يوظف حد
من غير ما يدفع رشوة للمراقب الحكومي
---

سيبكوم من حكاية إشتراكية الدولة
و بصو إزاي الرأسمالية أغنت الغرب و الصين و اليابان و كوريا الجنوبية
و بصو إزاي الإشتراكية خربت بيت كوريا الشمالية و كوبا و الإتحاد السوفييتي و الصين قبل أكثر من عشرين سنة
و بصو إزاي الصين حتبقى أغنى دولة في العالم، بعد جمعتين تلاتة، بعد ما رمت الصين الإشتراكية في الزبالة، و جابت في بلدها رأسمالية كثيرة خالص، أكثر حتى من رأسمالية أمريكا
---

مسيرها
حتكون الصين
أغنى و أقوى و أعظم دولة في العالم
---

و بس يركلو الإشتراكية المدمرة ديه
مسيرها، حتكون مصر، أغنى و أقوى و أعظم دولة في الشرق الأوسط
ليه لأ؟
---

مين قال ما ينفعش مع الجدع المصري؟
الله؟
ما ينفعش ليه؟
ما هم نفسهم الجدعان دول اللي بنو الإهرامات دِيَّه، يا أخي؟

#محمد_جلو (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل