الطابور الخامس فى الميدان الثالث .

احمد العتر

الحوار المتمدن-العدد: 4169 - 2013 / 7 / 30 - 08:05
المحور: مواضيع وابحاث سياسية
    

فى مصر ميدان واحد وهو ميدان التحريروهو صاحب الشرعيه من 25 يناير العظيمه بموجاتها المتعاقبه وعلى اعتبار ان اشاره مرور رابعه اللتى هى اصغر من استاد محمد الخامس او استاد مدينه محليه مثل هال سيتى فى بريطانيا اصبح ميدان ...فهناك طابور خامس يحاول كالعاده شق صفوف الثوار لصالح التيار الدينى وعلى راس هذا التيار اللذى يتميز بالتلون مثل الحرباء من يسمى عبد المنعم ابو الفتوح القيادى التاريخى للجماعه واللذى انشق عنها فى حركه تمثيليه ليصبح قائدا لما يسمى العلمانيه الدينيه !!!او العلمانيه بمرجعيه دينيه!!!!(ارايتم ضحاله تفكير الرجل وعجزه عن اتخاذ قرار فى اتجاهه السياسى بين اليمين او الوسط او اليسار فاصبح فى الطرف المائع والمتردد ولقى ذلك هوى من بعض حسنى النوايا و المترديين و المخنثين سياسيا ومن بعض من يزايدون على انسانيه وديانه الاخرين الاقل او الاكثر تشددا منهم واصبحوا هم الفرقه الناجيه الجديده !!! ...وفى انتخابات الرئاسه ترشح ابو الفتوح بوجهه الثورى الدينى العلمانى !!! خدع البعض مما ادى الى خساره مرشح الثوره والاشتراكى القومى حمدين صباحى وفى النهايه ادت الى كسب مرسى لانه تصالح مع قوى الثوره اللتى تدير الشارع وليست النخبه الا تعبير عن اراء الشارع ...
الان ابو الفتوح يطرح مبادره ضد الاخوان وضد العسكر !!!!لكنه يطرح فيها فكره عوده مرسى للحكم واجراء استفتاء على بقائه وهو مايجعلنى اطلق صوتا حلقيا اسكندرانيا اصيلا للتعبير عن الحنق ....كما قال المصريين (يامتعشم مرسى يرجع رئيس يامتعشم ابليس يصوم اتنين وخميس )والحقيقه كذلك واكثر لقد سقط الرجل وجماعته من ذاكره الشعب المصرى الى قاع مزبله التاريخ وان كان المصريون عبر تاريخهم المديد قد لغوا اسماء من كانوا يحكمونهم من التاريخ والذاكره وتبقى بعض الكتابات للتاريخ وكان اخرهم محمد نجيب والان محمد مرسى ...ويقول تتح ايضا انه ضد حكم العسكر !!اين هو حكم العسكر ؟؟؟
.. مايحدث فى مصر ليس حكم عسكرلا ن الجيش قد نفذ خريطتنا السياسيه بحذافيرها وغير متدخل ونحن بحاجه اليه لمواجهه الارهابيين كمؤسسه وطنيه راسخه من مؤسسات الدوله ونعلم ان هناك بعض الاجراءات الاستثنائيه ستحدث ولكن ضد المسلحين والارهابيين وهم فى النهايه من ارجعونا الى هذه النقطه وللاسف هناك بعض من ينتمون لليسار كذبا يصدقونه ومنهم الاشتراكيوون الثوريون ومن يتمسحون بالثوره ومنهم احرار وحركه 6 ابريل وبعض النشتاء الصياصيين امثال وائل غنيم ... وقد حرقوا تماما من الشعب ولا وجود لهم فى الشارع وللناعمين ايضا من يقولون ان فى عهد مرسى كانت حريه الاعلام متاحه وحريه سبه متاحه ولم تغلق قناه ولم يقصف قلم .....؟؟ ...مرسى كان يتمنى فعل هذا واكثر لكن غبائه واستعجال جماعته فى اخونه الدوله جعل الدوله العميقه بادواتها تعاديه وتكرهه لذلك لم يكن فى يده سوى ميليشياته يحاصر بها العداله مره والاعلام مره ويقتل بها شعبه مرات ومرات.مصر تمر بفتره استثنائيه يجب ان تعلن فيها حاله الطوارىء المقيده بمده ويجب عوده النشاط الدينى للامن الوطنى للسيطره على الاف الارهابيين اللى دخلوا مصر فى عهد المعزول ...اما نظرياتكم الهيلمانيه نفسى اسمعها لو حد منكم انضرب فى رابعه ولا ليه حد قريبه اتقتل من الاخوان ولا حتى استرجل ودخل الجيش ووقف فى رفح وانضرب بالنار(وانا اشك فى حكايه استرجل دى )..
ولا بتفهموا فى السياسه ولا ليكوا فى الامن الوطنى وقبل الثوره اللى كان عايز يشتغل فنان مترب واللى كانت عايزه تشتغل رقاصه ارجعوا لاحلامكم الجميله وسيبولنا السياسه الدمويه الوحشه.... عايزينا نتعامل مع اخوان صهيون بالورود ....انزلوا ياحلوين كلموهم واقنعوهم علشان يخدوكم اسرى ونشوف ساعتها مستوى حقوق الانسان فى دمكم هيوصل لحد فين ده انتم لما يتسرق منكم حاجه الشغاله الغلبانه هى من يتم سحلها فى القسم عشان خاطر الهانم او البيه ايها البرجوازيين ...اللى انتم فيه ده مش انسانيه زياده ده مزايده على الانسانيه وعبط سياسى وطفوله متاخره ونعومه غريبه تجعلنى اقشعر ....ان اخوان صهيون يلبسون اطفالهم ونسائهم اكفانا بيضاء فعن اى حقوق نتحدث انهم قنابل موقوته يجب نزع فتيلها ...
فى امريكا يتم التصنت على المكالمات الهاتفيه ومواقع التواصل والكاميرات فى كل مكان مع حق التفتيش للاشتباه من المطار لاخر متر فى امريكا وكل ده لمجرد الاشتباه فى الارهاب احنا عندنا متاكدين من الارهاب وانا اعيب على الشرطه والجيش تباطؤهم فى تنظيف البؤرالعفنه فى رابعه والنهضه وسيناء .... انهم الخونه او الجبناء من يحايدون فى وقت الثوره والنضال ضد قوى الظلام وهم كذلك وهذا هو الميدان الثالث او الطابور الخامس..
تتبقى رساله اخيره للمشتتين فعلا ومن يروعهم فكره عوده الدوله البوليسيه الى رفاقى المشتتين و الصادقين فى ثورتهم والخائفين من العوده لبطش الداخليه وامن الدوله او لحكم العسكر لكم اقول :
ياجدعان احنا القوه ...هم اللى مصدقوا انهم يرجعوا تانى لصفوف الشعب وبرضه مش هنسيب حقنا فى محاكمات عادله من اول وجديد من يوم 25 يناير لحد امبارح عشان نجيب حق كل شهدائنا من اول غريب بتاع السويس لحد عيسى عصام اللى استشهد امبارح نشتغل على ده والا نفرق الصف والاخوان يكسبوا من تشتتنا ....البلد مش هترجع لورا.. وان كنا رجعنا خطوه فده عشان الاخوان عبده البنا وضعونا فى خطر على الدوله نفسها بحدودها بنيلها بوحدتها الوطنيه فكان مجرد التفكير فى صناديق الانتخاب وترك كل ماعداها غباء سياسى لا يغتفر ولن نقع فيه ولا يوجد شرعيه الا للشعب ..واحنا دلوقتى بدانا من الاول خلونا نركز على الدستور والعداله الانتقاليه والمعتقلين بتوعنا اللى فى السجون ومنفضلش نزايد على بعض وعلى الداخليه والجيش ...ان كان فيهم ناس غلطوا نضغط عشان يتحاكموا انما نهاجم الكيان كله كده بنهدد دولتنا لصالح الاخوان وللاسف الاخوان بخبثهم وبخلاياهم الصاحيه والنايمه والاف مثل تتح و6 ابريل ومصر الطريه والاشتراكيين الثوريين بيراهنوا على مبادئنا وعلى صدقنا اللى البعض بيسموه اندفاع بس احنا برضه محدش يستخدمنا وخصوصا الخرفان احنا نشتغل على مصر جديده وانسوا اللى فات خالص ولو حاولوا يرجعونا ورا او يغيروا الاتفاق ارواحنا جاهزه للثوره فى اى وقت واهو احسن من الحياه اللى مبقلهاش طعم دى ....صباح الحريه يااجدع رفاق.

#احمد_العتر (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل